Abenduan zehar “Euskara eskuetan” ikastaroa eskainiko da Auzoko ekimenaren baitan. Bertan, eskulan ezberdinak burutzeaz gain, oinarrizko euskara ikasteko aukera ere izango da. Ikastaroa hau beraz, euskara ikasi edota praktikan jartzea nahi duten pertsonentzat zuzenduta egongo da eta euskara aitzaki hartuta zaku beroak eta poltsa aromatikoak egiten ikasteko aukera ezin hobea izango da.

Abenduaren 10, 13, 17 eta 20an (astelehen eta ostegun), arratsaldeko 18:00etan hasi eta 19:30ak arte iraungo dute saioek. Bergarako Udal liburutegiko ganbaran emango da ikastaro hau eta prezioa 5 eurokoa izango da.

Interesa izanez gero, eman izena Jarduneko bulegoan edota 605712469 telefonoan.

Aurreko ostiralean, Osintxuko ludotekan pitzak egiten ibili ziren. Sekulako sukaldariak eginda daudela erakutsi zuten guztiek eta prestatutakoaz  gozatzeko aukera izan zuten!

Sukaldaritza, txantxa jolasak, hegazkin txapelketa, oreka jolasak, eskulanak, puzzleak… dibertimendua izan da protagonista urrian. Ondo pasatzeko mila aukera izan ditugu ludotekan! Ez dugu aspertzeko astirik izan!

Horrela izan dadila aurrerantzean ere!

Hemen daukazue azaroan zehar Txapligun burutuko diren ekintzen egitaraua.

Animatu eta gerturatu asteburuetan lagun artean primeran pasatzera!

Azarorako ere egitarau politak prestatu dituzte Bergarako hiru ludotekek. Euskaraldia bertan dugunez honen inguruko hainbat ekintza burutuko dira  hilabete honetan. Gainera azaroaren 25aren bueltan ere lanketa bat egiteko aukera izango da.

Ez galdu aukera, gerturatu eta gozatu!

Normaltzat hartu euskaraz berba egitea, zuk egiten baduzu besteek ere errazago egingo dute eta! 11 egun euskaraz!