Komuneko papelen tubuak erabilita, hainbat animali basati egin dituzte gaur arratsaldean Bergarako ludotekako haurrek. Pinguinoak, hontzak, sugeak, untxiak, txoriak….

Gaur arratsaldeko 17:00etatik 19:00etara Errotalde parkean udazkeneko azken Jolasleku ibiltaria egin behar genuen, baina eguraldi txarra iragarrita dagoenez, Oxirondoko azokan aurkitzen den  gune librean egingo dugu.

Bergara, Osintxu eta Angiozarko ludoteketako haur eta hezitzaileek programaketa aberatsa prestatu dute azarorako!

Astean zehar arratsaldetan, ekintza ugari eta ezberdinetaz gozatzeko aukera ezin hobea!

Animatu eta gerturatu zaitezte ludotekara elkarrekin primeran pasako dugu eta!

Bergarari buruzko ezagutza lantzeko jolasa da eta bertan edonork parte hartzeko aukera izango du, banaka zein taldeka (gehienez 4 pertsona).

Parte hartzaileen adinaren arabera hiru kategoria egongo dira:

A kategoria: LH 4,5 eta 6

B kategoria: DBH eta Batxilergoa

D kategoria: 18 urtetik gorakoak

Herriari buruzko galdetegi batzuk bete behar dira parte hartzeko eta behin hauek erantzun ondoren jarriko diren kutxetan sartu beharko dira erantzunak. Bete beharreko galdetegiak eta kutxak ikastetxeetan, Udaletxean, Kultur etxean, Agorrosinen eta Gaztelekuan egongo dira.

Galdetegiak erantzun eta kutxetan sartzeko epea azaroaren 30ean amaituko da. Behin erantzun guztiak jaso ondoren, euskarazko kultur produktuak edo ekitaldietarako sarrerak zozketatuko dira abenduaren 13an, 18:30ean, Kultur etxean. Zozketa honetan sartuko dira, gutxienez 12 erantzun zuzen eman dituzten parte hartzaile guztiak.

Ikasi, jolastu eta gozatu euskaraz!

Euskararen bozgorailuko azaroko esaldia!