Berriketaneko partaideok uztailaren 18an Laboratorium museoak antolatutako “Lorategien Taupada berdeak” bisita gidatuan parte hartu genuen. Bertan, Bergarako lorategiak ezagutzeko beste modu bat izan genuen. Lorategiak bisitatzeaz gain,  bertan gordetzen diren landareak ezagutzeko aukera ezin hobea izan genuen, biologo batez lagunduta.

Uda aktiboko 3. astearekin amaitzeko, hemen dauzkazue egin ditugun ekintza ezberdinen argazki batzuk!
Aisialdian euskaraz gozatzen jarraituko dugu!

Aroztegi aretoan harrera eta zaintza lanak egiteko langile bila gabiltza. Norbait interesatua badago bidali kurrikulum-a jardunkultura@topagunea.com helbidera uztailaren 24a baino lehen. Informazio gehiago nahi izanez gero deitu 943763661/605712469 telefono zenbakietara.

Uda iritsi da berriro ere, baita eguzkia ere. Aurten, bederatzigarren aldiz, JARDUN EUSKARA ELKARTEAk udako euskarazko postal lehiaketa antolatu du.

Udak askorako ematen du, eta herritik irten edo bertan geratuta ere, istorio txikiek asko esan dezakete.

Lehiaketaren helburu nagusia formatu errez batean jendea euskaraz idaztera bultzatzea da.

Jasotako postal guztien artean 2 zozketa egingo dira.

OINARRIAK
1- Lehiaketa honetan edozein pertsonak parte har dezake, nahi beste postal bidaliz.
2- Postalak euskaraz idatziak izan beharko dute.
3- Postalak edozein lekutatik posta arruntez helbide honetara bidali beharko dira:

UDAKO EUSKARAZKO IX. POSTAL LEHIAKETA
Jardun Elkartea, Errotalde jauregia z/g
20570 Bergara – Gipuzkoa

Informazio gehiago: 943763661-605712469 telefono zenbakian edo www.jardun.eus web orrian aurki dezakezu.
4- Postalak jasotzeko azken eguna 2020ko irailaren 16a izango da.
5- Gaia librea da. Ez ahaztu postalari zure kontaktua jartzea.
6- Saria: Elkar megadendako opari bonoa (50€) edo Euskal produktuez osatutako otarra.

Uda Aktiboko ekintzekin aurrera jarraitzen dugu, pozik eta ekintzez gozatzen! Horrela jarraituko dugu hurrengo asteetan ere, aisialdian euskaraz gozatzen!

Uda Aktiboko ekintzak martxan jarri genituen astelehenean eta jadanik ostiralera heldu gara. Ekintza ugari egiten ari gara eta herriko gune ezberdinak haurrez betetzen!

Uztaileko euskararen bozgorailua:

“Batetik bestera ibiltzen gara udaro

uztaileko giroarekin guztiok gabiz pozago

udan ere euskara gure ahoan egotea nahiago.

Maitatu ezazu gutxiago

eta gozatu ezazu gehiago”