Kaixo familia:

Maiatza ere amaitzen doa eta uda usaina nabari da dagoeneko. Hemen dituzue maiatzean zehar egin genituen hainbat ekintzen argazkiak:

Osintxuko ludotekako haur eta hezitzaileak, atzoko egunez, bertako zonaldeak naturaz gozatzeko ematen dituzten aukerak aprobetxatu zituzten. Gustora asko ibili ziren!!

Jardun antzerki eskolako ikasleek, primeran pasatzeaz gain, klaseetan lan handia egin dute kurtso osoan zehar. Horregatik, ikasturteari amaiera emateko asmoz, Ekainaren 10ean arratsaldeko 18:30etan emanaldia izango dute Seminarixoan. Emanaldi honetan antzerki eskolako 3 taldeek hartuko dute parte eta “Umore on TB” eta “Ametsetan” antzezlanak interpretatuko dituzte.

Sarrera doanekoa izango da. Hauek eskuratzeko aurrerago emango dizuegu xeetasun gehiago.

Gaur hasiko lirake Bergarako jaiak baina egoera honetan ezin izango ditugunez ospatu, Oxirondo ludotekako haur eta hezitzaileak Bitorianatxoren papintxo batekin ospakizun xume bat egin nahi izan dute.

Oxirondoko ludotekatik parte hartze saioekin aurrera jarraitzen dugu eta oraingoan, zerbitzua erabiltzen ez duzuen herriko familiei luzatzen dizuegu gonbita.

Zerbitzuaren inguruan zuen iritzia ezinbestekoa iruditzen zaigu, sinisten dugun aisialdi eredua aurrera eramateko.

Horretarako, datorren maiatzaren 28an arratsaldeko 18:00etan Oxirondoko ludotekan egingo den saiora etortzera animatzen zaituztegu.

Parte hartze saiora etortzeko interesa izanez gero, maiatzaren 27a baino lehen bergarakoludoteka@gmail helbidera mezua bidali behar da.

Animatu!

Atzo, Oxirondo ludotekako haur eta hezitzaileek, LGTBI fobiaren aurkako Nazioarteko egunaren harira, lanketatxo bat egin zuten. Aniztasunaren aldeko lanketa ere egiten dugu gure zerbitzuetan.

Jaiak gainean ditugu eta dagoeneko iritsi zaizkigu aurtengo Bergarako Jaietako zapiak. Azkenengo urteetan bezala bi diseinu prestatu ditugu: haurrena eta helduena. Zuena eskuratzeko irrikitan zaudete??

Jarraian salmenta leku eta orduak:

Asteazkena (18:00-20:00): San Martin plazan.

Osteguna (18:00-20:00): Irala kalean

Ostirala (11:00-13:00): Irala kalean /(18:00-20:00): Irala kalean

Zapatua (10:00-13:00): Oxirondon

*Asteartetik aurrera Jardun Euskara Elkarteko bulegoan erosteko aukera ere egongo da, bulegoko ordutegian (9:00-13:00/14:30-18:30)

Prezioa 3€ izango da.

Gerturatu zurea eskuratzera!

Pasa dan ostiralean, Oxirondoko ludotekako parte hartze prozesuaren harira, zerbitzua erabiltzen duten familiekin elkartu ginen eta prozesuari hasiera eman genion beraien iritziak jasoaz. Guztiira 9 familia gerturatu ziren eta jasotakoa oso aberasgarria izan zen.

Eskerrik asko gerturatu zineten familiei eta gogoratu, oraindik denboraz zabiltzatela galdetegia betetzeko!

https://docs.google.com/forms/d/e/1FAIpQLSfa3dtE4aPYZUFMdIzcJzud1Trw7TKDxVJaEdXrfj5XpZuGdA/viewform?usp=sf_link