Category Archives: berriak

errigora

Errigora: olio eta kontserba kanpaina

Aurten ere bueltan da olio eta kontserben Errigorako kanpaina. Oraingo honetan gainera nobedadeekin dator, izan ere, ohiko olio eta kontserbez gain, arroza eta kamisetak eskatzeko ere aukera izango da eta.

Eskaerak egiteko Jarduneko bulegotik pasa beharko da edota online egiteko aukera ere egongo da.

Martxoaren 7an hasi eta 22ra arte egongo da aukera eskaerak jasotzeko.

Animatu bertakotasuna, auzolana, burujabetza eta komunitatea elikatzera!

olioetakamiseta kontserbak

Kartela

Bueltan dira Udaleku itxiak!

Urteak daramatzagu Bergaran aisialdi hezitzaile euskalduna eskaintzen uda garaian. Orain dela urte batzuk Udaleku itxiak antolatzeari utzi bagenion ere, aurten  berriz ere martxan jartzea pentsatu da.

Era honetan,  gaztetxoek egun batzuk elkarrekin pasatzeko aukera eskaintzea nahi da, adin eta lagun talde ezberdinen arteko harremanak sendotzeko asmoarekin. Hain justu ere 11-14 urte (LH6, DBH 1 eta DBH 2.maila) bitarteko gaztetxoei zuzenduta egongo dira Udaleku itxi hauek.

Getariako Askizu auzoan dagoen aterpetxean egingo da 6 eguneko egonaldia, ekainaren 24tik 29ra arte. Gainera gazteek egun guztietan egingo diren ekintzak, jolasak, arauak, funtzionamendua… erabakitzeko aukera izango dute.  Horretarako hezitzaileek gaztetxoekin batera zehaztuko dituzte egun guztietan egin beharrekoak Udalekuen aurretik egingo den batzar batean.

Prezioari dagokionez, egonaldia 200 euro ordaindu beharko da. 190 euro Jarduneko bazkide zein familia ugarien kasuan eta familia ugaria eta bazkide izanez gero 180 euro.

Izen ematea datorren astelehenean, martxoak 11 irekiko da eta apirilaren 17a arte egongo da zabalik. Horretarako izen-emate orria bete beharko da eta ordainketa ziurtagiria aurkeztu Jarduneko bulegoan.

Animatu lagun berriak egin eta primeran pasatzera!

Kartela

03.- MARTXOA

Martxoko euskararen bozgorailua

Martxoko euskararen bozgorailua: “etxean, kalean, lagunartean… euskaraz BIZI gara” zein garrantzitsua dan egunerokotasunean euskara erabiltzea.

03.- MARTXOA

01 MARTXOA kartela ondo

Txapliguko martxoko kartela

Hemen daukazue martxorako Txapliguko gazte eta hezitzaileek prestatu duten egitaraua.

01 MARTXOA kartela ondo

4

Primeran Osintxuko ludotekan

Osintxuko ludotekan primeran ibili ziren atzo arratsaldean. Ikusi argazkiak!

8 4 1

dav

Jon Maiaren hitzaldia arrakastatsua

Atzo arratsaldean izan zen Jon Maiaren hitzaldia Irizar jauregian. Komunikatzaile aparta dela garbi utzi zuen Maiak eta bere bizipenak oinarri hartuta konpartitutako mezuak ere oso interesgarriak izan ziren.

Hemen daukazue atzoko argazki bat.

dav

dav

1

Valdezcarayn eskiatzen

Asteburuan Valdezcarayra eskiatzera irteera egin zuten Bergarako hainbat gaztetxok. Egun paregabea egin zuen eta pila bat gozatu zuten joan zirenek. Ikusi nolako talde polita joan ziren!

1

IMG_8144

Karaokea, misterioa, hizketaldiak… otsaileko lehenengo asteetan

Azken bi asteetan zehar askotariko ekintzak egin ditugu ludotekan: abesti gustokoenen erritmora dantzatu eta abestu genuen karaokean; gure scape rooma antolatu genuen, baita bertatik ateratzea lortu ere; Youtuberi buruz hizketan aritu ginen, interneten ditugun eskubideak ezagutzeko, sarera igotzen dugunaren inguruan hausnartzeko edota gure praktikak aztertzeko; eguraldi ona aprobetxatuta beheko plazoletan jolasten aritu ginen…

 

IMG_8165 IMG_8178 IMG_8073 IMG_8078 IMG_8080 IMG_8082 IMG_8144 IMG_8152 IMG_8158 IMG_8164 IMG_8180

kartela Jon Maia argazkia

Jon Maiaren hitzaldia

Hurrengo asteazkenean, otsailak 27, Jon Maiaren solasaldia izango da 19:00etan Irizar Jauregian. Hitzaldian “Berriak jaio ginen” liburuaren inguruan hitz egingo da. Bertan, bertso, istorio, historia, kantu, hausnarketa eta gertakizunen bidez bertsolaritzak 90. hamarkadan izandako eraldaketaren errelato pertsonal bat egiten du, bere bizipen pertsonaletik abiatuz. Era horretan oraingo bertsolaritza ulertzeko gako batzuk azalduko dira.

Animatu!

kartela Jon Maia argazkia

otsaila

Domeketan familian gozatzen

Igande hau, otsailak 23, hileko azken igandea izanik, “domeketan familian gozatzen” ekimena izango da. Eguraldi hona iragarrita dagoenez, kanpoan jolas ezberdinak egingo dira 11:30etatik 13:30ak arte. Beraz, bertan parte hartu nahi duten familiek Oxirondoko gunea librera gerturatu beharko dute.

Animatu giro edarraz gozatuz primeran pasatzera!

 

otsaila