Errigora Euskal Herria lurzoru eta elkarlana lanabes dituen proiektu bat da. Baina Nafarroa hegoaldeko “zona no vascofona” du izendatua ardatz. Bertatik eta bertarako egiten du lan, Euskal Herri osoko elkarlan eta ikuspegiaz. Eremu horretakoak propio diren produktuak Euskal Herrian zehar zabaltzen ditu. Bertan bertakoa, eta kalitatezkoa bultzatuz.
Errigoraren helburu nagusiak hiru dira:
Nafarroa hegoaldeko produktuei Euskal Herriko plazan bidea ematea, merkatu globalizatua eragiten ari den kalteari aurre egiteko.
Nafarroa hegoaldeko “zona no vascofona”ko euskalgintzari bultzada ekonomikoa
ematea. Horretarako, hango produktuak Euskal Herrian zabalduaz,
etekin ekonomikoaren zati bat zonalde horretako euskalgintzara bideratzen da.
Herrigintza, auzolana, nazio-eraikuntza… “betiko” lan kolektiboan oinarrituz
ekarpentxo bat egitea, lan molde honen beharra goraipatuz.
Urtean zehar hiru kanpaina bideratzen dira: udazkeneko otarrena (nafarroa hegoaldeko produktu desberdinez osatutakoak), olioarena eta kontserbena.
Maiatzean kontserben kanpaina
Aurtengoan 7 lote izango dira aukeran, denak ere kalitate bikainekoak, euskaraz etiketatuta eta ekoizlearen jatorrizko prezioan.
Eskatu daitezkeen produktuak honakoak dira: barazki-menestra, zainzuriak, barazki-krema, orburuak, potxak, tomate frijitua eta pikillo piperrak.
Eskaerak egiteko epea maiatzaren 12tik 24ra izango da eta produktuak jasotzeko egunak ekainak 7tik 14ra, biak Jardunen.