Monthly Archives: abendua 2014

Bihar larunbata bilduko da aisialdiko lantaldea

2014/12/19   Aktak Aisialdia

Gogoeta prozesuaren emaitzetako bat 4 lantalderen sorrera izan zen.

Lantalde hauetako bat aisialdiarena da eta talde hau, lehendabizikoz, bihar, abanduak 20, larunbata, 11:00etan elkartuko da Kukltur etxean.

Lantalde honetatik bi lan ildo bideratuko dira, alde bateik datorren urtean ospatuko den 25. urteurrenerako ekintzak prestatu eta bestetik aisialdiaren eremuan proiektu berri bat garatzen hastea.

Lantaldea eta bilerak guztiz irekiak dira nahi duen guztiarentzat, beraz, animatuz gero, hemen hitzordua.

Irakurri Gehiago
gogoeta_bideoa

Gogoeta Prozesua: “3, 2, 1… Jardun!”

2014/12/19   Jardun gogoetan

Azken hogeita bost urte hauetan Bergaran euskararen egoera (ezagutza eta erabilera nehurgailu ezberdinak kontuan hartuta) izaten ari den bilakerak kezkaturik batetik, eta Bergarako euskalgintzaren bilakaeraz eta egoeraz (Jardun euskara elkartearena bereziki) hausnartzeko une egokia izan zitekeela jabeturik bestetik, gogoeta prozesu bat abian jartzea erabaki zuen Jardun euskara elkarteak.

Prentsa ohar osoa irakurri hemen.

Jardunen gogoeta prozesuaren laburpen bideoa ikusteko sakatu hemen azpian:

Parte hartzea, euskaltzaleen ilusioaren pizgarri eta oinarri
Hiru egunetan zehar, parte hartzean eta berdintasunean ezaugarritu den eta, konfidantza giroan aritu garen ehun eta hogei lagunen su txikiak euskaltzaleen ilusioaren pizgarri izatea lortzeaz bat, gaurko Jardun euskara elkartearen lehenengo oinarria zehaztu du:

Euskaltzaleen parte hartzea oinarri izango duen lau lan talde sortzea. Lau lan talde hauen bidez, euskarak herrian dituen erronka berriei modu eraikitzailean erantzun eta normalkuntzan aurerrapausu berriak emateko.
  • Euskararen normalkuntzan aurrerapausuak emateko garatu behar diren balioez hausnartu eta horien baitako diskurtsoa eta mezua garatuko duen lan talde bat sortuz.
  • Elkarte bizitza parte hartzailegoa, autonomoagoa eta komunikatiboki eraginkorragoa izango den elkartea gauzatzen hasteko lan talde bat eratuz.
  • Euskararen aldeko kontzientziazio eta sentsibilizaiorako ekintza eta ekimenen taldea.
  • Aisialdiaren eremuan proiektu berri bat garatzen hasteko lan taldea.
Beste 25 urte Jarduteko:
Datorren maiatzaren 17an Jardun euskara elkarteak 25 urte beteko ditu. Hori horrela, iada abian diren lau lan taldeen zer eginetako bat, hogei eta bostgarren urtemugaren harira ideia eta ekintzak proposatu eta denon artean urte osorako egitaraua osatzea izango da.

Nahi duen herritar orok aukera dauka hogei eta bostgarren urtemuga antolatzeko zein Jardun berriaren lan taldeetan parte hartzekoa. Horretarako, webgune honetan sartu besterik ez dauka edoeta, zuzendaritza[abildua]jardun[puntu]org e-mailera idatzi.

 

Irakurri Gehiago
kartela 2015TXIKIA

PLAZETAKO EUSKAL DANTZEN IKASTAROA

2014/12/09   berriak

Jardun euskara elkarteak antolatu duen euskal dantzen ikastaroaren berri eman nahi dizuegu. Ikastaroa urtarrilean hasi eta ekainean amaituko da. Ikastaroan, fandangoa, arin-arina, trikitixa, porrusalda, aurreskua eta banakoa erakutsiko dira.

Eguna: asteazkenetan
Ordua: 19:30etatik 21:00tara
Irakasleak: Abarka taldea (Juantxo Urbieta, Janire Urbieta eta Jon Arrillaga)

Ikastaroa urtarrilaren 7an (asteazkena) hasiko da.

Izen ematea: Jardun Euskara Elkartean, jardunkultura@topagunea.com e-postan zein 943763661 zenbakian eman daiteke izena.

Ikastaroaren prezioa 16€/hilean Jarduneko bazkideak (ikastaro osoa ordainduz gero 90 €) eta 18 €/hilean gainontzekoak (ikastaro osoa ordainduz gero 102 €).

Behin ikastaroan izena emanda 6 hilabeteko konpromisoa hartzen da. Ikastaroa aurrera eramateko gutxienez 20 pertsona behar dira.

Beste urte batzuetan ere eman izan da ikastaro hau eta arrakasta handia izan du.

Animatu eta parte hartu ederto pasako dugu eta !!!

Irakurri Gehiago