Bergarako Udal Euskaltegiak, Udaleko Euskara Zerbitzuaren eta Jardun Euskara elkartearen laguntzarekin, Bergarako hitanoa lantzeko 12 orduko ikastaroa antolatu du.
Ikastaro hau dagoeneko euskaraz hitz egiten dutenei zuzenduta dago eta martxoaren 24tik apirilaren 4ra bitartean izango da, Udal Euskaltegian (Barrenkalea, 33 – Irizar jauregia).
Ikastaroaren saioak martxoaren 24an, 26an eta 28an eta apirilaren 2an eta 4an izango dira, 18:30etik 20:30era.
Dena den, hitanoa ikasteko/hobetzeko interesa daukaten herritar guztiak izena ematera animatu nahi ditugu; izan ere ordutegia parte hartzaileen beharren arabera moldatu daiteke.
Hitanoaren erabilera eta ezagutza sustatzea du helburu ekimen honek, eta parte hartu nahi dutenek martxoaren 20a baino lehen eman beharko dute izena Udal Euskaltegian, 943764453 telefono zenbakira deituz edo euskaltegia@bergara.eus helbidera idatziz. Ikastaroaren prezioa 15,45 eurokoa da.
Eta ikastaro hau baliatuz, EUSKARALDIAren batera antolatuko den HIKALDIAn parte hartzera ere animatzen ditugu herritar guztiak!!!
Informazio gehiago:
Udal Euskaltegia (Barrenkalea, 33 – Irizar jauregia)
943 76 44 53
euskaltegia@bergara.eus
