Aste honetan ere hainbat ekintza desberdin egin ditugu Oxirondoko ludotekan. Askorentzat gainera inoiz egin bareko ekintzak izan dira.
Astelehenean azalerako ukendua egin genuen ludotekan daukagun aloe vera lorea erabilita. Martitzenean berriz, ludotekako lehenengo asanblada ofiziala egin genuen eta honekin bukatzean kanpora irten ginen jolastera eta eguraldi aparta aprobetxatzera. Eguenean azkenik, ‘slak line’ egiten ibili ginen azokako lehenengo solairuan. Hasieran askok soka beldurrez ikusi bazuten ere, azkenean ia gehienek probatu zuten eta esperientzia berria eta polita izan zen neska-mutikoentzat.
