Aurreko urteko arrakasta ikusita, aurten Bergara oinez ekimenaren bigarren edizioa ospatuko da. Bergara oinez bizitza soziala eta osasuntsua bultzatzen dituen ekimena da, horretarako, ordubete/ordu eta laurdeneko iraupena duten ibilaldiak antolatzen dituzte herriko zenbait erakundek.
Edizio berria berrikuntzekin dator, alde batetik pasa den urtean baino paseo gehiago antolatu dira (iaz 10, aurten 15). Bestalde erakunde antolatzaileen kopurua ere handitu egin da, Jardun euskara elkarteak ere parte hartuko du ekimen honetan.
Irteerak eguenetan izaten dira (Irailaren 20an Aspacek antolatu duena izan ezik, domekan izango dela), goizeko 10:15ean Agorrosinetik abiatuko dira. Irteera bakoitza elkarte/eragile baten esku egongo da eta paseoaren ostean gosaria eskainiko dio taldeari. Aldez aurretik izen ematea komenigarria izango litzateke, Agorrosinen (943 77 70 95) bertan edo San Joxepen (943 76 10 59).
Ibilaldien egunak:
- Martxoaren 12an, San Joxepek antolatuta.
- Martxoaren 26an, Kattalin elkarteak antolatuta.
- Apirilaren 16an, Osasun publikoak antolatuta.
- Apirilaren 30ean, Jardunen eskutik.
- Maiatzaren 14an, Aranzadi Ikastolaren eskutik.
- Maiatzaren 28an, Pol-Polek antolatuta.
- Ekainaren 11n, Duintasunak antolatuta.
- Ekainaren 25ean BPX-ek antolatuta.
- Uztailaren 9an, Jardunen eskutik.
- Irailaren 10ean, Goyeneche Fundazioaren eskutik.
- Irailaren 20an (domeka), Aspacek antolatuta.
- Urriaren 8an, Bergarako Farmaziek antolatuta.
- Urriaren 22an, Mariaren Lagundiak antolatuta.
- Azaroaren 12an, Osasun Zentroak antolatuta.
- Azaroaren 26an, Mariaren Lagundiak antolatuta.