Asteburuan primeran pasa dute gaztetxoek mozorro festan! Eguraldi kaxkarrari aurre eginez ederto ibili dira norbere etxeko mozorroekin photocallean argazkiak ateraz  eta desfilea eginez.  

Martxan da DAZLAGUNA, EUSKARA BEGI BISTAN egitasmoa! Herriko merkataritza eta ostalaritzako hizkuntza paisaia euskalduntzeko egitasmoa da honakoa.
Animatu eta parte hartu!

Komuneko papelen tubuak erabilita, hainbat animali basati egin dituzte gaur arratsaldean Bergarako ludotekako haurrek. Pinguinoak, hontzak, sugeak, untxiak, txoriak….

Gaur arratsaldeko 17:00etatik 19:00etara Errotalde parkean udazkeneko azken Jolasleku ibiltaria egin behar genuen, baina eguraldi txarra iragarrita dagoenez, Oxirondoko azokan aurkitzen den  gune librean egingo dugu.  

Bergara, Osintxu eta Angiozarko ludoteketako haur eta hezitzaileek programaketa aberatsa prestatu dute azarorako! Astean zehar arratsaldetan, ekintza ugari eta ezberdinetaz gozatzeko aukera ezin hobea! Animatu eta gerturatu zaitezte ludotekara elkarrekin primeran pasako…

Bergarari buruzko ezagutza lantzeko jolasa da. Euskaraz ikasi, jolastu eta gozatzeko aukera paregabea! Animatu eta parte hartu!

Euskararen bozgorailuko azaroko esaldia!

Katillukadak txotxongilo mostra egongo da azaroaren 6an, igandea, Zabalotegi aretoan arratsaldeko 18:00etan.

Lehen hezkuntzako haurrei zuzenduta dagoen ikuskizun familiarra da honako hau. Txotxongiloak manipulatzeko bost teknika erakusten dituen antzezlana da eta bertan lau ipuin labur antzezten dira, bakoitza bere teknika banarekin, bakoitza mezu banarekin.

Ostiral honetan, urriak 28, Jolasleku Ibiltaria Errotalde parkean egin behar genuen baina arratsaldeko 18:00etan Udal Liburutegian haurrentzako ipuin kontalaria dago. Beraz, bi ekintzetara joateko aukera izateko, Jolaslekua egunez aldatzea erabaki da.