BADATOR GAZTETXEF LEHIAKETA BERRIA. ANIMATU ETA EMNA IZENA!!

Jardun euskara elkarteak Elikaenearen eta Bergarako Udalaren laguntzarekin, Bergarako GAZTETXEF lehiaketa antolatu du herriko gazteentzat. 

Behean dituzue Gaztetxef lehiaketa berriaren oinarriak:

Animatu eta parte hartu!!

Bergarako GAZTETXEF lehiaketa

OINARRIAK

Jardun euskara elkarteak Elikaenea eta Bergarako Udalaren laguntzarekin antolatutako Bergarako gazteei zuzendutako sukaldaritza lehiaketa.

• DBHko gazteek parte hartu ahalko dute.
• Bi eta lau parte-hartzaile arteko taldeetan.
• Lehiaketan parte hartzeko platerak “pintxo” moduan aurkeztu beharko dira. Mokadu tamaina izan beharko dute, hau da, txikiak. Pintxoa edozein motatakoa  izan ahalko da (ogian, kazuelatxoan, gazia, gozoa…). Pintxo bakoitzetik 4 ano/ale prestatu/aurkeztu beharko dira.  
• Izen emate epea martxoaren 16an amaituko da.
• Izena ematerako orduan taldearen izena, taldearen ordezkaria eta prestatuko diren bi pintxoen izenak eta errezetak eman  beharko dira.
• Lehiaketa Oxirondoko azokan gauzatuko da.
• Lehiaketa martxoa-apirila bitartean izango da.  Izena ematen duten talde kopuruaren arabera kanporaketa bat (martxoaren 21ean)  edo bi (martxoaren 28an) eta finala (apirilaren 4an) ospatuko dira. Saioak ostiral arratsaldetan izango dira, 17:00etatik 19:00etara.
• Talde bakoitzak bi pintxo aurkeztu eta prestatu beharko ditu. Pintxoak aurkezterakoan pintxoari jarritako izenari, erabilitako osagaiei eta prestaketa prozesuari buruzko azalpen laburra eman beharko da epaimahaiaren aurrean.
• Talde bakoitzak bere pintxoak prestatzeko behar dituen osagaiak hartzeko 3 minutu izango ditu eta ondoren bi pintxoak prestatzeko beste 45 minutu.
• Hiru kidez osatutako epaimahaia eratuko da.
• Besteak beste, honakoak baloratuko dira: pintxoen prestaketa prozesua, zaporea, presentzia, originaltasuna, garbitasuna eta txukuntasuna, talde lana/elkarlana eta euskararen erabilera eta zuzentasuna.
• Sariak: Talde irabazleak 100€ eta kide bakoitzarentzat pizza baterako balea. 2. sailkatuak 50€ eta kide bakoitzarentzat pizza baterako balea. 3. sailkatuak kide bakoitzarentzat pizza baterako balea.
• Lehiaketarako behar den material guztia antolakuntzak jarriko du. Baliabide hauek izango ditu talde bakoitzak: su plaka, sukaldeko tabla eta mahai-tresnak, kazuela eta sartagia, amantalak eta trapuak.
• Lehiaketan zehar argazkiak eta bideoak aterako dira eta lehiaketan parte hartzeak hau onartzea dakar.