Monthly Archives: azaroa 2014

EUSKARAREN KATE HAUTSIAK liburuaren aurkezpena eta berbaldia
Bergarako Jardun euskara elkarteak antolatu duen HITZALDI baten berri eman nahi dizuegu.
EGUNA: Azaroak 26, asteazkena
LEKUA: Bergarako Irizar jauregian z/g
ORDUA: 19:00etan
Hitzaldiaren izenburua “EUSKARAREN KATE HAUTSIAK” da eta hizlaria Dabid Anaut liburuaren egile eta Euskara teknikari naparra izango da.
Hitzaldiaren helburua, besteak beste, euskararen historia ezagutzea da eta euskararen ibilibidean egon diren oztopo eta kate hautsiak… ezagutzea.
Hori dela eta zuen interesekoa izan daitekeelakoan Jardunek zuen hedabideetan hitzaldiaren berri eman eta bertara joateko gonbitea luzatzen dizue.
Besterik gabe, mila esker eta jaso ezazue gure agurrik beroenak.

EUSKARAZ berba egiteko aukerak biderkatzen
Euskara modu ludikoan praktikatu nahi duzu?
Eta euskara praktikatu nahi dutenei laguntzeko prest zaude?
Ba animatu!
Debagoieneko mintzapraktika egitasmoek izen-emate kanpaina daukate martxan, euskara praktikatzeko zailtasunak dituztenak eta euskal hiztunak elkartu eta euskararen erabilera areagotzeko helburuarekin.
Eta Bergaran ere bi egitasmotan parte har dezakezu: BERRIKETAN eta AUZOKO. Jardun Euskara Elkarteak bultzatutako egitasmoak dira eta Bergarako Udalaren, Udal Euskaltegiaren eta Topagunearen laguntza dute.
Alde batetik, BERRIKETAN daukagu, euskara maila hobetu nahi dutenak edota euren inguruan euskaraz berba egiteko aukerarik ez dutenak euskaraz berba egiten dutenekin elkartu eta berba egitea errazten duen egitasmoa da.
Praktikatu nahi dutenek euskaraz berba egiteko gutxieneko maila bat izan behar dute. Bestalde, laguntzaile izateko izena ematen duten euskaldunek ez dute irakasle papera hartu behar, nahikoa baita era naturalean eta pazientzia apur batekin euskaraz jardutea.
Izena ematen dutenei libre dituzten ordu eta egunen berri galdetzen zaie eta koordinatzaileak 3-4 pertsonako taldeak antolatzen ditu eta astean ordubetez euskaraz berba egitea da helburua (kafea hartzen, paseatzen…). Eta dena diru trukerik gabe egiten da, doan.
Eta kontuan izan edozein edadetako pertsonak parte hartu dezaketela, edade aniztasun hori ere oso aberasgarria da eta. Aurtengo ikasturtean bereziki gazteak eta gurasoak animatzeko ahalegina egin nahi da.
Bestaldetik, badira gure herrian euskara batere ez dakitenak, tartean beste herrialde batzuetatik etorri berriak eta beste batzuk urteetan Bergaran bizi arren, euskararekin oso harreman txikia dutenak. Hauek ere euskarara hurbiltzeko beste egitasmo bat dago martxan Bergaran 2009tik, AUZOKO egitasmoa hain zuzen ere.
Egitasmo hau ere dohainekoa da eta aurrekoaren antzera antolatzen da. Alde batetik, borondatez laguntzaile lana egiten duten euskaldunak dabiltza bertan eta, bestetik, euskarara hurbiltzeko gogoa dutenak. Aurtengo ikasturtean ere bi taldetan elkartzen dira astean ordubetez; bat ostiraletan 18:00etan kultur etxean, eta bestea —emakumeei zuzenduta dagoena— asteazkenetan 18:30etan Irizar jauregian.
Egitasmoaren koordinatzaileak dinamika ludiko batzuk proposatzen ditu eta dinamika hauetaz baliatuz euskarara hurbildu eta ezagutzeko aukera luzatzen da. Euskarri gisa, besteak beste, 20 hizkuntzatan prestatutako hiztegia lantzeko fitxak eta hiztegitxoak erabiltzen dira (ikus hiztegiak: http://www.hizkimizki.com/ ).
Bi egitasmo hauetako baten parte hartu nahi baduzu, Jardun Euskara Elkartera deitu (943 763661 / 605712469) edota Jardunen bulegotik pasa (Errotalde jauregia z/g).
Zuen zain gaude!!!

AZAROAREN 12AN IRIZAR JAUREGIAN JON ARRETXEREN 11 BIDAIA 11 LIBURU
Agur t´erdi:
Bergarako Jardun Euskara Elkarteak, azaroaren 12an, asteazkena, arratsaldeko 19:00etan Jon Arretxe ren 11 bidaia 11 liburu ikus-entzunezkoa antolatu du. Jon Arretxe ere bertan izango da.
Eguna: Azaroak 12, asteazkena
Ordua: 19:00etan
Lekua: Bergarako Irizar jauregian
“11bidaia, 11 liburu”
Nire bidaia guztien errepasaketa, hiru alditan banaturik: lehenik bidaia laburren sasoia, gero bidaia luzeena, eta azkenik idazteko helburuaz egindako bidaiena. Dena irudien bidez eta munduko musikez lagunduta.