Monthly Archives: uztaila 2016
UDALEKU IREKIAK!AZKEN FESTA!!
2016ko udaleku irekiak gaur amaitu dira. Bergarako Erraldoi taldearekin eta trikitilariekin kaleak girotu ditugu.
Giro bikaina izan dugu Bergarako kaleetan!
UDALEKU IREKIEN AZKEN EGUNAK
Udalekuen azken egunetara heldu gara.
Bihar, ostirala, ekintza berezi batekin emango diegu amaiera 2016ko udalekuei!!
UDAKO EUSKARAZKO V. POSTAL LEHIAKETA
Uda iritsi da berriro ere, eta berarekin batera oporrak, bidaiak, jaiak, eguzkia eta aisialdirako tartea. Aurten, bostgarren aldiz, JARDUN EUSKARA ELKARTEAk udako euskarazko postal lehiaketa antolatu du. Udak askorako ematen du, eta oporretan urrutira joan edo bertan geratuta ere, istorio txikiek asko esan dezakete.
Lehiaketaren helburu nagusia komunikazio informal eta idatzietan euskara erabiltzea da.
OINARRIAK
- Lehiaketa honetan edozein pertsonak parte har dezake, nahi beste postal bidaliz.
- Postal guztiak jatorrizkoak eta euskaraz idatziak izan beharko dute.
- Postalak edozein lekutatik posta arruntez helbide honetara bidali beharko dira:
UDAKO EUSKARAZKO V. POSTAL LEHIAKETA
Jardun Elkartea, Errotalde jauregia z/g
20570 Bergara – Gipuzkoa
Informazio gehiago: 943763661-605712469 telefono zenbakian.
- Postalak jasotzeko azken eguna 2016ko irailaren 18a izango da.
- Gaia librea da. Ez ahaztu postalari zure telefono zenbakia jartzea.
- Saria: Tableta
- Epaimahaiak besteak beste, postalaren edertasuna, orijinaltasuna, edukia eta idazkera baloratuko ditu.
UDALEKU IREKIAK
3. astearen amaierara heldu gara eta haur eta hezitzaile batzuk gaurko egunean amaiera eman diote aurtengo udalekuei.
Eguraldia ez dugu oso lagun izan gaurkoan, baina hala ere, haur eta hezitzaile batzuk animatu dira apar festan parte hartzera.
BERGARAKO UDALEKU IREKIAK!
Udaleku irekietako hirugarren astean sartu gara.
Udalekuak bere martxarekin jarraitzen dute beroari aurre eginez. Milaka ekintza egiten eta oraindik gelditzen zaizkigunak!!! Bergara eta Osintxu eta Angiozarreko auzoak haurrez beteta! 
