Monthly Archives: maiatza 2017
Jaixetako zapiak prest!
Prest daude aurtengo jaietarako zapiak! Ostegunetik aurrera tabernetan eskuragarri izango dira eta ostiralean 18:30etatik aurrera plazan postua jarriko da erosi ahal izateko. Zapi bakoitzak 3 euro balioko ditu.
Jantzi zapia eta alaitu ditzagun aurten ere Bergarako kaleak!
Jaixetan be euskaraz Xaxau!
Bergarako jaiak ere gainean ditugu dagoeneko eta bertan gure hizkuntza joerak urte osoan zehar bezala islatuak izaten dira. Jardun Euskara Elkartetik euskararen dekalogo bat prestatu dugu hainbat egoeren aurrean nola jokatu ideiak hartzeko.
Beraz, gogoratu, Jaixetan be euskaraz Xaxau!
Aupa Leire! Jardun be zuekin!
Larunbat honetan Udaleku Irekietako begiraleek formazio saioa izan zuten guztia prestatzen hasteko.
Jarraian bertan elkartutako hezitzaleek Leireri eta FundAMEri babesa emateko asmotan honako argazki hau atera zuten.
Ekainaren 17ra begira antolatu diren ekintze ezberdinetan ere parte hartuko dugu.
Gu ere zuekin gaude!
Asteburua Txapligun
Asteburu honetan ere primeran pasatu dute gaztetxoek Txapligun. Larunbatean ur jolasak egin zituzten beroari aurre egiteko eta pila bat disfrutatzeko aukera izan zuten.
Igandean ordea Labegaraietara joan ziren eta bertan dagoen jolasgunean hainbat ekintza burutu zituzten.
Oraingoan ere primeran pasatu dute asteburua!
Ur jolasak Osintxuko ludotekan
Aste honetako beroari aurre egiteko ur jolasak egin zituzten atzo Osintxuko ludotekan. Primeran pasatzeaz gain freskatu edarra hartu zuten!
Fitxategiak partekatzeko euskarazko zerbitzua “tori.eus”
Tori.eus, PuntuEUS Fundazioa eta dinahosting.com erakundeek lankidetzan sortu duten fitxategiak partekatzeko euskarazko zerbitzu bat da. Gainera guztiz doakoa da, hau da, webguneak eskaintzen duen guztia eskuragarri izango dute erabiltzaileek ezer ordaindu gabe. Orain arte ez zegoen horretarako aukera ematen duen inolako euskarazko webgunerik, beraz, hutsune hori beteko du honako honek.
Bitarteko honi esker 2Gb arteko fitxategiak partekatu ahal izango dira oso era sinplean. Partekatu nahi den fitxategia gehitu, honen inguruko mezua idatzi eta emaila sartu besterik ez da egin behar. Bidalitako dokumentuen segurtasuna bermatzeko beste hainbat aukera ere eskaintzen ditu nahi izanez gero.
Erraminta bikaina sortu dutena baina… orain gure txanda da, goazen erabiltzera!
https://tori.eus/
Uztaileko zaintza zerbitzuan izena emateko aukera
Udaleku irekietarako izena eman duten ume guztiak onartuak izan dira aurten ere. Guztira 522 umek eman dute izena, Bergaran, Angiozarren eta Osintxun uztailean zehar egingo diren Udalekuetarako.
Honetaz gain Jardunek zaintza zerbitzua eskainiko du uztailean zehar goizeko 8:30etatik 10:00ak arte. Honako honetan izena emateko epea oraindik ere zabalik dago, beraz, norbaitek interesa izanez gero Jarduneko bulegoan eman daiteke izena.
Aurten ere uda lagun artean primeran pasatzeko aukera edarra izango dute!
Txapligutik Zuhatzara irteera
Txapliguko gaztetxoek Zuhatzara irteera egin dute asteburuan eta primeran pasatu dute. Eguraldia lagun, uretako ekintzak egiteko aukera paregabea izan dute.
Osakidetzan, Euskara lehentasuneko hizkuntza, gorako joera
Urtebetean hirukoiztu egin da Osakidetzan euskara lehentasuneko hizkuntzatzat aukeratu duten bergararren kopurua.
Debagoieneko Udalek, euskara elkarteek eta Osakidetzak “Nik euskaraz nahi dut” izeneko kanpaina berezia antolatu zuten 2016an, herritarrak Osakidetzarekiko harremanetarako lehentasunezko hizkuntzatzat euskara aukeratzera animatzeko. Gerora Osakidetzak EAE osora zabaldu du kanpaina “Lagundu egiguzu hobetzen: AUKERATU ZURE HIZKUNTZA!” leloarekin.
Bergarari dagokionez, 2016ko apiril amaieran %8 ziren Osakidetzarekin lehentasunez harremana euskaraz izatea nahi zutela adierazia zutenak. Urtebete geroago, 2017ko apiril amaieran, %23 dira: 3585 herritar. Debagoien osoan ere antzeko bilakaera izan dute emaitzek: 2016an %8,7 zen eta une honetan %23.
Kanpainaren helburua da Osakidetzak paziente bakoitzaren fitxan lehentasunezko hizkuntza identifikatuta izatea eta hala euskara hautatu dutenei aukera dagoen guztietan profesional euskaldunak jartzea eta arreta euskaraz eskaintzea.
Udaletik oraindik hizkuntza aukeratu ez duten herritarrak animatu nahi dira lehentasunezko hizkuntzatzat euskara aukeratzera. Horretarako hiru bide daude:
- Osasun zentroko harrerara hurreratu eta bertan adieraztea.
- Familia-medikuari edo erizainari adieraztea, kontsultara joandakoan.
- Internet bidez, Osasun Karpetan sartuta.
Jaietako zapiak badauka marrazki eta lema!
Aurten urtero bezala, jaietako zapirako marrazkia eta lema aukeratzeko lehiaketa antolatu da eta hainbat lan aurkeztu dira oraingoan ere. Jasotako lan guztien artean irabazlea aukeratu du epaimahaiak eta dagoeneko jaietako zapiak badu marrazki eta lema.
Aurtengo saria bitan banatu da eta Maite Elorzaren marrazkia izan da saritua eta zapian azalduko den lema Mikel Aginagalderena izango da.
Zorionak bioi!
