Osintxuko ludotekan inkubadora batean arraultzak jarrita zituzten eta aste honetan txitak jaio dira! Ludotekako haurrek gainera zuzenean jaiotzen ikusteko aukera izan zuten.

Benetan politak direla!

Gaztelekutik Sobroneko abentura parkera irteera antolatu dute ekainaren 23rako, LH6. mailako gaztetxoentzat. Irteera honen kostua 20 eurokoa izango da eta izena emateko azken eguna ekainaren 8a izango da Jarduneko bulegoan.

Animatu egun eder bat pasatzera!

Larunbatean banatu ziren XXXIII. Koldo Eleizalde lehiaketako sariak Seminarixoan. Urtero bezala, Jarduneko antzerki eta bertso eskolako ikasleek beraien lanak  aurkeztu dituzte  eta gainera sarituak izan dira.

Antzerki eskolako haurren taldeak, “Jarduneko Udalekuak” izeneko antzerkiarekin saria jaso du interpretazio eta kontakizunen bigarren kategorian. Eta helduen taldeak “Sagarra eta debekuaren arteko erlazioa” antzezlanarekin laugarren kategoriako sari nagusia jaso du.

Bertsoei dagokienez, haurren bertso eskolako Haizea Arantzabal eta Iñaki Aldazabal ere sarituak izan dira.

Zorionak irabazle zein partaide guztiei!

Jaietarako Xaxauk prestatutako egitarauaren baitan, domekan gaueko 22:30ean korto lehiaketa egongo da txosnagunean. Txapliguko gaztetxoek bertan parte hartuko dute eta horretarako aurreko asteburuan ibili ziren prestaketa eta grabazio lanetan.

Beraz, badakizue gerturatu hitzordura eta gozatu!

Primeran pasa jaixak!

Jaiak gainean ditugu eta honekin batera zapiak ere iritsi dira! Aurten gainera bi zapi ezberdin atera ditugu, batzuk haur zein gaztetxoentzat eta besteak urtero bezalakoak.

3 eurotan erosi ahalko dira honako puntu hauetan:

Ostegun arratsaldetik aurrera tabernetan : Arrano, Bule, Pol-pol, Ganbara eta Kortazarren.

Ostiral arratsaldean: Bergarako plazan, 18:30etatik aurrera.

2018ko maiatzaren 12an Debagoieneko mintzalagun programatik Pasaiara irteera antolatu genuen. 9:00etan Arrasatetik abiatu eta Bergaratik pasatu ostean Pasai Donibanera gerturatu ginen. Donibanera iritsi ginenean kafe bat hartu ostean Sara izeneko gida batekin ibilbide gidatua egin genuen Pasaia eta inguruko herrien istorioa ezagutzeko. Ondoren txalupa hartu eta Pasai San Pedrora pasatu ginen.

Albaola ikustera joan ginen. Bertan Aitziberrek Albaola proiektuaren inguruko xehetasunak azaldu zikigun.

Azkenik Yolaberri jatexean denok elkarrekin bazkaltzeko aukera zoragarria izan genuen, eta nola ez euskaraz!!!

Arratsaldean Victor Hugon etxea ikusteko denbora ere izan genuen.

Eguraldiak lagundu ez arren oso ondo pasatu genuen!!

Hemen daukazue Jardunek jaietara begira prestatutako protokoloa.

Belarriprest bazara….

Ahobizi bazara…

Aurreko ostiralean eman zitzaion hasiera jolasleku ibiltariari eta primeran pasatu zuten gerturatu zirenek!

Hona hemen argazki batzuk: