Esan bezala, gaur, San Balentin eguna, izango da aurtengo amodiozko gutun eta esaldien sari banaketa. Arratsaldeko 19:00etatik aurrera, Irizar jauregian, irabazleek gutunak irakurriko dituzte musika eskolako biolin joleak lagunduta eta, ondoren, luntxa egongo da.

Hau horrela, sarituak honako hauek izan dira:

Gutunak:

• Lehenengo saria (500 €): Karmele Uribesalgo Alzola (23 urte).
• Bigarren saria (250 €): Ainara Elizondo Lizarraga 40 urteko hondarribitarrak irabazi du.
• Gazte saria (150 €): Karmele Uribesalgo Alzola bergararrak eskuratu du.
• Bergarako onena (150 €): Izar Odriozola Aristegik eskuratu du (20 urte).

Esaldia (100 €): Ainara Elizondo (Hondarribia).

Eskerrik asko parte hartzaile guztiei eta zorionak zuei!!

Iritsi zaigu jada XXVIII. amodiozko gutunen eta IV. amodiozko esaldien lehiaketako sariak banatzeko garaia. Horregatik, datorren ostiralean, otsailak 14an, arratsaldeko 19:00etan Irizar jauregiko azken solairuan sari banaketa egingo dugu. Bertan, irabazleen ahotik eta musika eskolako biolin joleak lagunduta, gutunak entzuteko aukera paregabea izango duzue. Ondoren, mahai baten inguruan luntx goxoa dastatuko dugu.

kaixo familia:

urtarrileko azken asteetan ekintza ugari egin ditugu bergarako ludotekan: neoi eta pijama festa, san blasak,  barruko jolasak, antzerkiak, scape room bat egin genuen,… eta beste ekintza mordoa!!!!

egileak: fatima, garazi, maryam eta wilmary!!!!!

Otsaila ekintzaz beteta dator Bergarako ludoteketara. Ikusi! Ikusi! hilabeteko egitarauak…

Eskualdeko berbalagunak, Amillena elkartearen eskutik, Aramaio ezagutzeko aukera izan zuten igandean. Lide Ramila elkarteko kidearen ahotik Aramaioko pertsonaiak, bitxikeriak, historia eta kondaira batzuk entzuteko aukera paregabea izan zuten, baita bertako ekonomatoa ezagutzeko aukera ere. Egurañdia lagun izanik goiz ederra pasa zuten Aramaixon. Mila esker Lide!!

Otsaileko euskeraren bozgorailua:

“Erabiltzen ez den euskera hil egiten da mugitzen ez den bihotza hil egiten den bezala. Ez da ezergatik, baina isiltzen duzun euskara hiltzen duzun euskara da.” BITORIANO GANDIAGA