Azaroaren 7an, arratsaldeko 18:30ean, Bergarako Kartzela Zaharrean bertso saioa eskeiniko digute Jone Uria Albizuri, Beñat Gaztelumendi Arandia eta Aitor Sarriegi Galpasoro bertsolariek. Ibon Leibar Belastegik, Txinbok, gai jartzaile lanak egingo ditu oraingoan ere.

Sarrerak, 5€tan, saioa hasi baino ordubete lehenago eskuratu ahal izango dituzue.

Animatu etortzera!

Aurten ere, zuen Errigorako saskiak eskatzeko aukera izango duzue Urriaren 24tik Azaroaren 12ra bitartean. Urtean bi kanpaina izaten dira, udaberrikoa eta udazkenekoa, biek dituzte oinarri, Euskara, Nafarroa hegoaldea, elikadura-burujabetza eta auzolana.

Errigorako web orrian ikusi daitekeen bezala, “Udazkenean Nafar hegoaldeko uzta euskarari puzka. Nafarroa hegoaldeko produktuz osatutako saskiak milaka etxetara eramaten ditugu kanpaina honetan. Kasu honetan, auzolanari esker, bertako euskalgintzari ekarpen-ekonomiko garrantzitsua egiten diogu (saski bakoitzaren balioaren %25). 2013an kanpaina lehenengoz egin zenetik eskaintzan hainbat aldaketa egin dugu. Egun 3 saski ematen dira aukeran.”

Euskarari beharrezko bultzada emateko zuen saskia eskuratzera animatu nahi zaituztegu. Horretarako, www.errigora.eus webgunean edota Jarduneko bulegoan bertan egin daiteke otarren eskaera.

SASKI BELTZA (betikoa): orburuak, pikilo mermelada, pikilo piperrak, zaizuri zuriak, teilak, tomate frijitua, mertxika almibarretan, oliba-olio birjina estra, kardua, mahats-zukua, botila-ardoa, potxak, piper-mamia + korrikaren katilua. 55€

SASKI BERDEA (ekologikoa): txitxirioak, ardo-ozpina, oliba-olio birgjina estra, barazki-menestra, pasta, orburuak, pikillo piperrak, arroza, zainzuri zuriak, botila-ardoa, udare zukua + seaskaren egutegia. 65€

SASKI ZURIA (berezia). orburuak, pikilo piperrak, zainzuri zuriak, botila kriantza, txokolatezko zigarretak, patxaran pastak, patxarana, oliba-olio birjina estra, arbendol polboroiak + D ereduaren haziak. 75€

Eskolaz kanpoko euskara errefortzuak emateko irakasleen lan poltsa jarriko dugu martxan.

 

Datorren astelehenean, hilak 19an, Oxirondo ludotekako ateak zabalduko ditugu kurtso berriari hasiera emanez.

Gaur oraindik ere ludoteka zabalik egongo da 17:00-20:00etara izena emateko zuzenean baina hemendik aurrera Bergarako Udaleko web orrian, bergara.eus, egongo da martxan izen ematea online egin ahal izateko.

Animatu!

https://www.bergara.eus/eu/node/14886

OXIRONDO LUDOTEKAK ATEAK ZABALTZEN DITU URRIAREN 19AN!”

Oxirondo ludotekako ateak, urriaren 19an zabalduko dira. Bizitzen gauden egoera kontutan hartuta, protokolo guztiak beteko ditugu eta herriko haur eta gaztetxoenei aisialdi hezitzaile eta euskaldun bat emateko gogoz gaude.

Izen ematea urriaren 8tik 16ra izango da, ludotekan bertan 17:00etatik 20:00etara edo ondorengo esteka hauetatik: https://docs.google.com/forms/d/e/1FAIpQLSejZbzt_XCNTuSLR21r1HRIwwZLKu7v76l0ylRFGICZI02_4w/viewform?usp=sf_link 

 https://docs.google.com/forms/d/1ATOTo8BWeFq9DVQSTP8QExppXFrNA1V3ZaqTjzllL7U/edit

ZUEN ZAIN IZANGO GAITUZUE!

BERBALAGUNA ELKARREKIN! Euskara bizi, erabili.

Eman izena Berriketan-en!!

Urrian ikasturtea hastearekin batera, Berbalagun talde berriak sortuko dira,
komunitatearen sareak ehuntzen jarraituko du. Berriketan programa euskara
bizi eta erabiltzeko aukera paregabea da. Zure herriko euskaldunekin esperientziak
partekatzeko prest?
Berbalaguna euskaraz hitz egin ohi duten pertsonak euskaraz egin nahi duten
pertsonekin euskaraz aritzeko elkartzen dituen programa da.
Funtzionamenduari dagokionez, parte hartzaileen artean talde txikiak egiten dira eta
astean behin ordu betez beraien aisialdi garaian elkartuko dira paseoan, kafetegian,
parkean… euskaraz aritzeko, euskaraz bizitzeko.
Bi modutara parte har daiteke, euskara praktikatuz (bidelaria) eta euskara
praktikatzen lagunduz (bidelaguna). Mintzalagun bihurtzeko baldintza bakarrak,
euskaraz komunikatzeko gai izatea eta astean ordubetez elkartzeko prest egotea
dira.

Animatu eta eman izena!!Izen ematea
Jardun euskara elkartea
605712469/943763661
jardunkultura@topagunea.com

Urriaren 25ean, igandea,  Arabako Trespuntes herrira irteera antolatu da Debagoieneko mintzapraktika batzordetik. Bertan, Santa Katalina lorategi botanikoan ibilbide gidatu bat egiteko aukera izango dugu.

Bergaran, 10:30etan autobus  geltokian elkartuko gara Arabaruntz abiatzeko.

Irteeraren prezioa 4€/pertsonako da.

Plaza mugatuak dira. Beraz, apuntatu ahala joango gara zerrenda osatzen eta plazak betetzen.

Oso leku ederra da eta benetan merezi du bertan dagoen landaretza anitza ezagutu eta gozatzea!

Animatu eta parte hartu, ondo pasatuko dugu eta!!

Urriko euskararen bozgorailua:

“Ezinezkoa da kultura batean bizi, eta beste batean hitz egitea. Eta beldur naiz ez ote den hori guri gertatzen ari zaiguna”. Maddalen Arzallus