Asteazkenean, azaroaren 20an, Bergaran Udazkeneko Literatur solasaldien 2. saioa izan genuen Irizar jauregian, Mikel Antza dinamizatzailearekin. 2. Saio honetan 15 lagun inguru bertaratu ginen eta Mikel Zubimendi bergararrak Jose Luis Elkororen bizitzaren inguruan idatzitako “Han egon zen” liburua izan genuen hizketa gai.
Saioan zehar liburuaren pasarte ezberdinak aztertu, Jose Luisen bizitzaren inguruan jardun,… eta batez ere momentu eder bat konpartitzeko aukera izan genuen.
Bergaran saio hauek Bergarako Udalak eta Jardun euskara elkarteak Udal Liburutegiaren laguntzarekin antolatu ditu.
Hurrengoko saioa, udazkeneko azkena, abenduaren 18an Xamarren “Etxera bidean” liburuen ingurukoa izango da.
Mikelek literatur saioak dinamizatzeaz gain, hainbat lanen sortzailea da, esate baterako Atzerri eta Arroz urez.
