Otsailean egin zuten bezala, ekainean ere erabiltzaileek ludotekaren inguruan duten iritziak jasotzeko ekintza eraman dute aurrera Oxirondoko ludotekan. Lehen Hezkuntzako haurrek altxorraren bila jolasaren bitartez beraien iritziak eta proposamenak botatzeko aukera izan zuten. Galderak sei eremu desberdinetan banatu zituzten: haurren arteko harremana, haurren eta hezitzaileen arteko harremana, jarduerak eta ekintzak, materiala, ludotekako lokala eta euskera. Ekintza merendola txiki batekin amaitu zuten.
Haurrek eta hezitzaileek oso balorazio positiboa egin dute ekintza onena. Ideia bigarrenez aurkeztu ziotenean haurrak pozez zoratzen parte hartzeko prest erakutsi ziren hasieratik. Hezitzaileek, gainera, ikaragarri eskertzen diete haurrei ekintza honetan parte hartzea azken finean zerbitzuaren inguruko ikuspuntu garrantzitsu bat jasotzeko aukera bat baita, eta azken batean, zerbitzua hobetzeko aukera.
