Kaixo, euskaltzale:
Jakina da gure herrian euskararen egoera ez dela guk nahiko genukeen bezalakoa. Ez dago esan beharrik ere egoera hori bereziki gogorra dela Euskal Herriko zonalde batzuetan. Horietako bi dira Erribera eta Zuberoa. Lurralde bi hauetan zailtasun handiak dituzte euskara ikasteko, besteak beste gure hizkuntzak lege babesik ez duelako. Horrez gain, bertako ekoizleak ere ez dira garai onenak bizitzen ari.
Hemen dugu, bada, gure aletxoa jartzeko bi aukera paregabe: Errigora ekimenaren saskia eta Xiberoko ikastolen aldeko otarra.
Atxikirik bidaltzen dizut informazio zehatza. Bata nahiz bestea jaso gura izanez gero, egin eskaerak JARDUN EUSKARA ELKARTEAn.
Mila esker, aldez aurretik, ekimenon bultzatzaileen eta JARDUN EUSKARA ELKARTEAREN izenean. Bejondeizula!