Atzo, urriak 17, Bergarako Euskalgintzak deituta agerraldia egin genuen Oldarraldiaren aurrean euskararekin bat, euskaraz bat lelopean. Bertan, Bergarako Udaleko ordezkariak, alderdi politiko ezberdinetako ordezkariak, ikastetxe ezberdinak eta euskalgintzako eragileak parte hartu genuen azaroaren 4an Bilbon egingo den manifestaziora deialdia egiteko.
Bergaratik, manifestaziora joan ahal izateko autobusa antolatu dugu. Autobusa 15:15ean irtengo da Bergaratik eta buelta 19:30 aldera. Autobuserako izen-ematea Ganbara eta Pol-Pol tabernetan edo Jardun euskara elkartean (943763661/605712469).
