XIII. UDAKO EUSKARAZKO POSTAL LEHIAKETA
Udan barneratuta, batzuk oporretan, beste batzuk bidaia prestatzen, jaiak, eguzkia eta aisialdirako tartea.
Aurten XIII. aldiz JARDUN EUSKARA ELKARTEAK udako euskarazko postal lehiaketa antolatu du.
Udak askorako ematen du, eta oporretan urrutira joan edo bertan geratuta ere, istorio txikiek asko esan dezakete.
Lehiaketaren helburu nagusia formatu errez batean jendea euskaraz idaztera bultzatzea da.
Aurtengoa XIII. edizioa da eta dagoeneko zabalik dago postalak bidaltzeko epea.
Jarduneko kideok gustura hartuko ditugu zuen postalak eta zuen berriak. Non zabiltzaten, zer ikusi eta egin duzuen…
ANIMATU eta HARTU PARTE!
Lehiaketaren oinarriak:
Lehiaketa honetan edozein pertsonak parte har dezake, nahi beste postal bidaliz.
Postalak euskaraz idatziak izan beharko dute.
Postalak edozein lekutatik posta arruntez helbide honetara bidali beharko dira:
UDAKO EUSKARAZKO XII. POSTAL LEHIAKETA
Jardun Euskara Elkartea
Oxirondo plaza 1.solairua
20570 Bergara – Gipuzkoa
* Ez ahaztu postalari zure kontaktua (izena eta telefonoa) jartzeaz.
Postalak jasotzeko azken eguna 2024ko irailaren 15a izango da.
Gaia librea da.
Sariak:
Postal onenaren saria 100€ (epaimahaiak besteak beste, postalaren edertasuna, orijinaltasuna, edukia eta idazkera baloratuko ditu).
Parte hartzaile guztien artean zozketa: 50€
Informazio gehiago: 943763661-605712469 telefono
