Kaixo lagunak!!
2023a primeran hasi dugu Aidau Haurren Zerbitzuan. Oporretatik itzuli ginenean opari askorekin topo egin genuen. Ikasturte honetan oso formalak izan gara eta oso ondo portatu garenez, Olentzero eta Mari Domingik opari mordo bat ekarri dizkigute.
Urtarrila opariak irekitzen hasi genuen, eta a zer sorpresa! Mahai-jolas berriak, albaitari lanak egiteko postu bat, baloiak, diaboloak eta bestelako gauza mordo bat aurkitu genituen!
Baina urtarrilean zehar ere, jolas eta ekintza mundialak egin ditugu adin desberdinetako haurrekin. Txikienekin eskulanak egiten aritu gara, baita safari batean murgildu ere, eta bertan, ohianeko animalia pilabat ezagutu genituen.
LH1-2ko haurrekin, Shrek filma ikusi genuen, eta horrez gain, Zirkoan eta ferian murgildu ginen. Abilezia jolas desberdinak egin genituen eta sari mordo bat ere lortu zituzten etxera eramateko!
Handienekin sukaldaritza tailerra egin genuen, pizza eta frutazko batido goxo goxoak prestatuz eta horiekin asko gozatuz!
Horrez gain, akuarelekin margotzen, eskulan mordo bat egiten, abesten eta dantzan ere ibili gara!
Primerako hilabetea izan da Urtarrila, urtea indar eta gogo askorekin hasi dugu.
Hurrengo hilabeteetan ere beste milaka abentura biziko ditugu elkarrekin!
Eskerrik asko guztiei!
AIDAU
