Uda iritsi da berriro ere, eta berarekin batera oporrak, bidaiak, jaiak, eguzkia eta aisialdirako tartea. Aurten, hamabigarren aldiz, JARDUN EUSKARA ELKARTEAk udako euskarazko postal lehiaketa antolatu du. Udak askorako ematen du, eta oporretan urrutira joan edo bertan geratuta ere, istorio txikiek asko esan dezakete.
Lehiaketaren helburu nagusia formatu errez batean jendea euskaraz idaztera bultzatzea da.
OINARRIAK
1- Lehiaketa honetan edozein pertsonak parte har dezake, nahi beste postal bidaliz.
2- Postalak euskaraz idatziak izan beharko dute.
3- Postalak edozein lekutatik posta arruntez helbide honetara bidali beharko dira:
UDAKO EUSKARAZKO XII. POSTAL LEHIAKETA
Jardun Elkartea, Errotalde jauregia z/g
20570 Bergara – Gipuzkoa
Informazio gehiago: 943763661-605712469 telefono zenbakian
4- Postalak jasotzeko azken eguna 2023ko irailaren 17a izango da.
5- Gaia librea da. Ez ahaztu postalari zure kontaktua jartzea.
6- Sariak: 2 sari
Postal onenaren saria 60€ (epaimahaiak besteak beste,
postalaren edertasuna, originaltasuna, edukia eta idazkera
baloratuko ditu).
Parte hartzaile guztien artean: Euskal produktuez osatutako
otarra.