Datorren astelehenean ekingo diogu Euskal trivialaren hurrengo edizioari. Dagoeneko banatu ditugu galderen orriak herriko zenbait tokitan (ikastetxeak, agorrosin, angiozar eta osintxuko ludotekak, etab). Esan bezala, astelehenean, maiatzaren 20an, irekiko dira kutxak eta ekainaren 6ra arte iraungo dute zabalik. Beraz, zuen kategoriako galdetegia aukeratu eta erantzun!!

Ondorengo irudian informazio gehiago:

Txapligu aisialdi taldeko haur eta hezitzaileak Zuhatzan izan dira asteburu pasa. Bertan hainbat ekintza eta askotariko jolasetan parte hartzeko aukera izan dute.  Eta primeran ibili dira!!

Joan den Larunbatean Debagoienako mintzalaguna programatik Gasteizera irteera antolatu zuten. 11:00etan Landerrekin, martxoaren 3ko kidearekin, elkartu ziren martxoaren 3ko elkartean eta honen eskutik azalpen batzuk jaso zituzten. Ostean ibilbide gidatua egin zuten eta bertan martxoaren 3ko murala eta Iñigo Arregik egindako eskultura ikusteko  eta 1976an gertatutakoa gertutik ezagutzeko aukera izan zuten, besteak beste.

Beranduago, eta pare bat pote hartu ondoren, La Bilbaina jatetxean denok elkarrekin bazkaldu zuten, bapo jan eta mintzalagunen arteko harremana sendotuz.

Arratsaldean, irteerari amaiera emateko, Esti Vera artistaren eskutik alde zaharreko 13 muraletatik 11  ezagutu zituzten, beraien inguruko azalpen guztiak jaso bitartean.

Egun zoragarria pasa zuten!

Ostiral honetatik aurrera herriko gune ezberdinetan familientzat jolas eta kantu jolasak egingo dira transmisioa lantzeko helburuarekin.

Animatu eta gerturatu!

Datorren larunbatean, maiatzaren 11an, eskualdeko berbalagunak Gasteizera irteera egingo dute. Bertan pare bat bisita gidatu egingo dituzte, 1976ko martxoaren 3ko memorialera eta Gasteizko muralak ezagutzera. Honetaz gain, trago bat edo beste hartzeko eta bazkaltzeko aukera ere izango dute.

Hemen egitaraua:

Ludotekako erabiltzaile zaharrenekin esperimentuen eguna egin genuen pasa den ostegunean.

Ozpina, gatza, artilea, puxikak… eta ludotekan dugun askotariko materialarekin aritu ginen, baita gustora aritu ere!!!

Aurten ere Jardun Euskara Elkarteak zaintza zerbitzua eskeiniko du udaleku irekiek iraun bitartean (uztailaren 1etik 26ra). Zaintzak goizeko 8:30ean hasiko dira 10:00ak arte. Izena emateko epea maiatzaren 2tik 17ra egongo da zabalik eta horretarako esku orria beteta entregatu behar da edo zuzenean Jarduneko bulegoan bertan ere egin daiteke.

Hemen gatoz maiatzerako ekintza ugarirekin. Animatu zapatu eta domeketan oxirondo azokara gerturatzen!

Maiatzeko euskararen bozgorailua:

“Si ellos han podido, tú también podrás con el EUSKERA”

“Eurek euskararekin ahal izan badute, zuk ere ahal izango duzu”