Jardun Euskara Elkarteak, Angiozarko Ludotekarako hezitzaile bat behar du:

-Begirale titulua

-EGA edo euskara maila baloratuko da

-Ikasketak eta arlo honetan esperientzia baloratuko da.

Interesa izanez gero, bidali kurrikuluma gaztejardun@topagunea.com helbidera edo Jarduneko bulegora ekarri. Kurrikulumak aurkezteko azken eguna, abenduaren 2a izango da.

Datorren igandea hilabeteko azken domeka denez, goizeko 11:30etik 13:30era bitartean Oxirondoko gune librean sukaldaritza eta mahai jokoetaz gozatzeko aukera izango dute familiek “Domeketan familian gozatzen” egitasmoaren barruan.

Animatu zaitezte familian disfrutatzera!

Joan den asteburuan Txapliguko gaztetxoak ederto ibili ziren. Zapatuko giro txarra berotzeko asmoz sukaldaritza saioa egin zuten, bizkotxoaren errezeta hartu eta beharrezko osagaiak nahasten igaro zuten arratsaldea. Dastatu ere egin zituzten, noski!

Domekan, antzerki eguna zela eta, plastilinazko txontxongiloak sortu zituzten. Amaitzean, pertsonaia hauek eta inprobisazioa erabiliz antzerkitxoak egiten jardun zuten.

Hau horrela, asteburu paregabea pasa zutela ziur esan dezakegu!

Kaixo familia!

Azken asteetan ekintza ugari egin ditugu ludotekan. Ibaiaren azterketa, sukaldaritza, eskulanak, arimen gaua…

Errekako ura aztertzen ibili ginen. Deba ibaiko ura hartu eta esperimentu desberdinak egin genituen uraren kalitatea neurtzeko. Indarrak hartzeko txokolate eta oluarekin, barritak egin genituen, eta oso onak irten ziren!

Horrez gain arimen gaua ere ospatu genuen. Euskal herriko ohitura zaharra ezagutu genuen, kalabazak hustu, kandelak piztu, aurpegiak margotu, disfrazatu eta janari eske atera ginen ludotekatik. Xanduli manduli kikirriki, eman goxokiak guri!!!

Oso ondo pasatu ditugu egun hauek!

Hurrengorarte!!

EGILEAK

Wilmary, Maryam eta Mounir

Bergarako Udalak, 2019tik 2022ra bitartean, euskara sustatzeko ekintza plana aurkeztu zuen asteartean. Plan honen helburu nagusia euskara Bergarako ohiko hizkuntza izatea da, Bergara euskararen arnasgune izatea. Laburbilduz, lan programa egunerokotasuneko zazpi arlotara bideratu da nagusiki: Familia, Irakaskuntza, Helduak euskalduntzera/trebatzera, Udala, Lan-mundua/merkataritza, Arlo soziokulturala: Kirola/aisia/kultura/etab. eta azkenik, teknologia berriak eta hedabideak/herri-hizkera.

Etxez-etxe banatuko diren eskuorriak argitaratu ditu udalak, bertan planaren inguruko informazio guztia eskura izan ahalko duzue. Euskara sustatzearen inguruko testigantzak jasotzen dituen bideo bat sortu du baita ere.

https://www.bergara.eus/es/node/13794

https://goiena.eus/bergara/1572970169734-bergara-euskararentzat-arnasgune-izan-dadin-lanean

Abian da Xiberoko ikastolen aldeko saski salmenta. Azaroaren 1etik Abenduaren 1era bitartean zuen eskaera egiteko aukera duzue. Eskaerak egiteko bi aukera daude: online www.ikaskoli.eus orrialdean edo jardun euskara elkarteko bulegoan bertan edo telefonoz 943763661 605712469 zenbakietara deituta.

* Informazio guztia: www.ikaskoli.eus

HITZETIK AHORA

Irakurketa Erraza taldean komentatzeko egitasmoa

Azaroan Bergarako Udal Liburutegian

Euskara ikasten ari den edo euskaraz irakurtzeko ohiturarik ez duen jendeari zuzendua dago taldea.

Euskaraz irakurtzearen lilura suspertzea eta testua ulertuz gozatzea dira helburuak, irakurleen artean irakurketa eta mintzamena piztuz.

HASIERA DATA: azaroaren 21a, osteguna. Ikasturtean 6 saio egingo ditugu.

ORDUTEGIA: 18:00etatik 19:00etara

TOKIA: Bergarako Udal Liburutegian

Prezioa: Doan (lekuak bete arte).

Izen-ematea azaroaren 11 baino lehen Jardun euskara elkartean: jardunkultura@topagunea.com edo 943763661 telefono zenbakian.

-BERRIKETAN-

Ekintza ugari antolatu dituzte bergarako ludoteketako haur eta hezitzaileek azarorako!!

Jardun euskara elkarteak “Erradikalak ginen, gara eta izango gara” antzezlana antolatu du hurrengo azaroak 16rako. Hau, Seminarixoan izango da, arratsaldeko 19:00etan, eta 4€ko sarrera izango du.

‘Erradikalak ginen, gara eta izango gara’. Ane Labaka bertsolariak eta Beatriz Egizabal antzerkilari eta ipuin kontalariak ‘Neska gazte promesa’ etiketaz, zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta zeharkatzen
gaituzten beste hainbat gaiez kantatu eta kontatu nahi dute. Feminismoa zeharlerrotzat hartuta eta umorez. Umorez, beraz, serio.