Opor usaina nabaritzen hasi gara Jardun Euskara Elkartean… gure jarduera gehienetan kurtsoari amaiera ematen aritu gara azken hilabetean.

Bestalde, eta hurrengo kurtsoari begira, Jardunek eskaintzen dituen egitasmo, jarduera eta bestelakoak laburtzen dituen bideoa aurkezten dizuegu.

Hauetako ekintzaren baten parte hartzeko interesa izanez gero, irailean izango duzue gure berri.

Uztailean udako ordutegian egingo dugu lan Jardun Euskara Elkarteko bulegoan, eta harrera orduak honako hauek izango dira:

Pasa den astean Oxirondo, Angiozar eta Osintxuko ludoteketan kurtsoari agur esan zioten udako oporrei ongi etorria egiteko.

Ikasturtean zehar, izan diren zailtasunak gaindituz, ekintza ugari egiteko gai izan gara eta primeran pasatzeko aukera ere izan dugu.

Hemen haur eta hezitzaileek bidalitako argazkiak:

Uda ona izan!!

Kaixo familia:

Dagoeneko iritsi da ikasturte amaiera eta ludotekak bere ateak itxiko ditu opor garaian. Urte berezia izan da aurtengoa, baina bizipen polit ugari utzi dizkigu ikasturteak, horren adibide dira jarraian ikusgai dituzuen argazkiak. Ondo pasa oporrak eta laster arte!!!

Atzo, ekainak 10, Jardun Euskara Elkarteko antzerki eskolak urtean zehar egin duen lan handiaren ondorio, eta ikasleen eta Sonia (irakaslearen) imaginazioa batuta, antzerki emanaldi paregabea emateko gai direla erakutsi ziguten ikusleoi.

Talde eta antzezlan ederrak sortu dituzue!

Zorionak!

Aroztegi aretoan harrera eta zaintza lanak egiteko langile bila gabiltza.

lanpostuaren baldintzak:

– Hilean 35 ordu (aste bat lana eta beste bat jai  gutxi gorabehera)

– Lanaldiaren ordutegia:

o   Astelehenetan itxita

o   Asteartetik ostiralera 18:00etatik 20:30etara

o   Larunbatetan 12:00 – 14:00 / 18:00etatik 20:30etara

o   Igande eta jai egunetan: 12:00 – 14:00

–          Bereziki harrera eta zaintza lanak egitea.

–          Euskaraz ondo moldatzea idatziz eta hitz egiten.

–          Uztailean hasteko, abuztuan ere aretoa zabalik dago. Kontratuaren iraupena Udalarekin hitzarmena iraun bitartean.

Norbait interesatua badago bidali kurrikulum-a jardunkultura@topagunea.com helbidera ekainaren 21a (egun hau barne) baino lehen. Informazio gehiago nahi izanez gero deitu 943763661/605712469 telefono zenbakietara.

Oxirondo ludotekako haur eta hezitzaileak pasa dan astean Errekalde parkean pasa zuten arratsaldea. Giro polita izan zuten bertan jolas eta ekintza ezberdinak egiteko. Doluaren gai a ere lantzen ibili dira eta gai honen harira, bertan aurkitzen den intxaurrondoa eta plaka bisitatu zituzten.

Ekainaren 17an, osteguna, arratsaldeko 18:00etan (lehen deialdia) eta 18:30ean (bigarren deialdia)  Jardunen urteko batzar orokorra ospatuko da Irizar jauregiko 3.solairuan.

Gai zerrenda:

-Aurreko urteko aktaren onarpena

-2020ko jarduera eta balantzea

-2021eko asmoak eta aurrekontuak

-Bestelakoak…

Uda iristear da, eta honekin batera bidaia eta abentura berriei ateak irekitzeko aukera ere iritsi zaigu.

Aurten ere, Jardunek Udako Euskarazko Postalen lehiaketa antolatu du, X. edizioa izango da hain zuzen ere.

Zuen udako istorioak, abentura eta xelebrekeriak irakurri nahi ditugu!!

Lehiaketaren helburu nagusia formatu errez batean jendea euskaraz idaztera bultzatzea da.

OINARRIAK
1- Lehiaketa honetan edozein pertsonak parte har dezake, nahi beste postal bidaliz.
2- Postalak euskaraz idatziak izan beharko dute. Gaia librea da.
3- Postalak edozein lekutatik posta arruntez helbide honetara bidali beharko dira:

UDAKO EUSKARAZKO X. POSTAL LEHIAKETA
Jardun Elkartea, Errotalde jauregia z/g
20570 Bergara – Gipuzkoa

4- Postalak jasotzeko azken eguna 2021eko irailaren 16a izango da.
5- Ez ahaztu postalari zure kontaktua jartzea.
6- Saria: parte hartzaile guztien artean 60€ zozketatuko dira.

Informazio gehiago: 943763661-605712469 telefono zenbakian edo www.jardun.eus web orrian aurki dezakezu.