Aurretik iragarri dugun bezala, mintzapoza tonbola San Martin plazan jarriko dugu datorren larunbatean, urriak 30, goizeko 11:30etik aurrera.

Sari mordoxka bat ditugu zuen zain (asteburu-pasak, termoak, koadernoak, poltsak, etab.), beraz ez galdu aukera eta animatu zaitezte parte hartzera!!

Jardun Euskara ELkarteak, asteburuetan lan egiteko hezitzaileen lan poltsa osatu nahi du. Interesik baduzu bidali zure kurrikuluma gaztejardun@topagunea.com era azaroaren 4a baino lehen!

Kontuan hartuko dira:

-Begirale titulua

-EGA (edo baliokideak)

Informazio gehiago nahi izanez gero deitu 943763661/605712469 zenbakietara edo pasa zaitez gure bulegotik.

Gau Beltzaren harira, atzo arratsaldean, AIDAU haurren zerbitzuan, “sukaldaritza familian” ekintza eraman genuen aurrera. Bertan haur eta gurasoek errezeta ezberdinak egin zituzten eta guztia goxo-goxoa irten omen zen. Eskerrik asko parte hartu zenuten guztioi!guk ere gustora pasa genuen arratsaldea zuekin!

Animatuko zinateke paseo bat emanaz euskara praktikatzera?? Ba, eman izena Berbalagun Ibiltariak egitasmoan!!

Larunbat arratsalderako ere ekintza ugari antolatu dira:

18:30ean Bergarako Musika Eskolaren eskutik Kalaberak abestia entzuteko aukera izango dugu San Martin plazan, ondoren San Joxepe elkarteak txokolatada ederra prestatuko du guztiontzat. Amaitzeko, Deabru Beltzak taldeak “Su danborrak” ikuskizuna eskainiko du, 19:30ean.

Azken asteotan tailer eta ekintza ugari egiten ari gara Gau Beltzaren ospakizunaren inguruan. Aurreko astean eginiko tailerrak (kalabaza hustu, mozorro eta aurpegi margoketak, etab..) erantzun bikaina izan dute bergarako herritarren artean.

Gau Beltza edo Arimen Gaua gerturatzen ari zaigu eta egitaraua ere aurrera doa. Datorren ostiralean, urriak 29, arratsaldeko 17:30ean eta larunbatean, urriak 30, goizeko 11:00etan San Martin plazan elkartuko gara tailerrekin jarraitzeko.

Bestalde larunbatean, ordu eta leku berean, Ndank Ndank elkartearen eskutik “Bissap” edari freskagarria dastatzeko aukera ere izango da. Beranduago, 11:3oetik aurrera “Mintzapoza Tonbola” martxan jarriko dugu berriro, opari ugari ditugu banatzeko!

Animatu eta gerturatu zaitezte!

Urte eta erdian irteerarik egin gabe egon ostean, atzo, igandea, eskualdeko berbalagunak, Trespuentes herrian (Araba) kokatzen den Santa Katalina Lorategi botanikoa ezagutzera joan ginen. Guztira 25 lagun animatu ginen altxor eder hau ezagutzera.

Amaia Lorategiko botanikoko langilearen eskutik, lorategiaren ezaugarriak, historia eta landareen inguruko azalpenak jaso genituen.

Eguraldia lagun izanik goiz ederra pasa genuen Araba aldean.

Pasa dan ostiral eta zapatuan, San Martin plazan egon ginen Gau Beltzaren ospakizunera begirako tailerrak egiten. Kalabazak hustu,aurpegi margoketa, mozorro tailerra…familia ugari gerturatu ziren eta tarte polita pasa genuen bertan.

Eskerrik asko gerturatu zineten guztioi!datorren ostiral eta zapatuan bertan egongo gara berriz ere!

Gogoratu! Datorren zapatu arratsaldean mozorrotu, margotu eta ekarri zuen kalabazak!