Kaixo familia:

Abenduan ere ekintza ugari egin ditugu Aidau-n, tartean: euskararen eguna ospatu dugu, Gabonetako sukaldaritza errezetak egin ditugu, lagun ezkutua, urte berriko festa, eskulanak,.. denetarik egiteko aukera izan dugu!!

Gaur izan da 2021-eko Aidauko azken eguna baina datorren urtean itzuliko gara indarberrituta. Ondo pasa Gabonetako oporretan eta urte berri on!!! 

Euskaraz irakurtzearen lilura suspertzea eta testua ulertuz  gozatzea dira helburuak, irakurleen artean irakurketa eta mintzamena piztuz.

Euskara ikasten ari den edo euskaraz irakurtzeko ohiturarik ez duen jendeari zuzendua dago taldea.

Taldean, euskarazko irakurgai laburrak proposatu eta solasaldia egin nahi da. Irakurgaien artean euskarazko eleberri errez bat edo euskararen inguruko artikuluak egongo dira. Honela, parte hartzaileen hiztegia aberasteaz gain elkar komunikatzeko euskara erabiliko da.

Saioak hilean behin izango dira, urtarrilean hasi eta maiatzera bitartean.

Izena emateko azken eguna: urtarrilak 14

Gure egunerokotasunean hain garrantzitsuak bihurtu diren teknologia berriak euskaraz erabiltzeko kanpaina berria sortu dugu.

Gero eta gehiago dira euskaraz erabiltzeko aukera ematen diguten sistema eragile, aparatu (mugikor, tablet, ordenagailu), nabigatzaile eta aplikazioak.

Kanpaina honen bitartez, euskarari merezi duen lekua eman nahi diogu eta teknologia berrietara moldatu garen bezala, hauek ere euskaraz manejatzera egokitzea ezinbestekoa ikusten dugu. Era berean, sare sozialetan, blogetan, youtuben, etab. edukiak  euskaraz sortu eta partekatzera ere animatu nahi dugu jendartea.

Hurrengo egunetan zuek ere euskaraz klik egiteko arigbideak ematen arituko gara. Euskara ahalik eta esparru gehienetara zabaltzeko!!

Gu prest gaude, ETA ZU?

Euskarazko irakurzaletasuna bultzatzeko, astelehen eta asteazkenean, Osintxuko liburutegian ipuin kontaketa eta ipuinak sortzeko tailerra izan dugu. Bertan, Osintxuko ludotekako haur eta hezitzaileak egon dira. Arratsalde politak pasa dituzte bertan!

Asteburu honetan ere Txapligun ekintza ezberdinak izan ditugu. Bertaratutako gaztetxoak gustora ibili dira bertako ekintzetan parte hartzen!