Maiatzean ere ez da aspertzeko aukerarik izango Gaztelekuan, izan ere, sekulako egitaraua prestatu dute hilabete honetarako!
Gerturatu eta hartu parte antolatutako ekintzetan!
Kategoria: berriak
Misterio jolasa eta sukaldaritza Txapligun
Asteburuan primeran pasatu dute gaztetxoek Txapligun
Herrian zehar misterio jolas bat egin zuten eta emandako jarraibideekin altxorra lortzeko gai izan ziren gainera!
Igandean ordea sukalde lanetan ibili ziren eta sekulako bizkotxoan egin zituzten.
Asteburu borobila izan da honakoa ere, bai horixe!
Maiatzeko euskararen bozgorailua
Hona hemen maiatzeko euskararen bozgorailua: Euskeriak ez dau dietarik egin behar!!!
Maiatzeko ludoteketako ekintzak
Maiatza ere ekintzaz beterik izango da Bergarako ludoteketan! Egitarau ederrak prestatu dituzte Osintxuko, Angiozarko eta Bergarako ludetekek oraingoan ere!
Animatu eta gerturatu arratsaldeak lagun artean primeran pasatzera!
Bergarako jaietako zapirako marrazki/lema lehiaketa
Bergarako jaietarako geroz eta gutxiago falta da eta aurten ere jaietan erabiltzeko zapi eder batzuk izateko marrazki eta lema lehiaketa egingo da.
Lorategia, gominolak eta ludotekarien murala egin dituzte Oxirondon
Aste honetan zehar hainbat ekintza egin dituzte Bergarako ludotekan. Martitzenean, esaterako, lorategi txikitxo bat egin zuten. Lehenik eta behin egurrak margotu zituzten, gero bertan lorontziak jartzeko, eta gero, lorontziak lurrez eta haziz…
Auzoko jaia Antzuolan
Datorren larunbatean, maiatzak 6, Auzoko jaia ospatuko da Antzuolan. Egitarau ederra prestatu dute eta aukera ederra izango da auzoko hobeto ezagutzeko.
Jaia 11:30ean hasiko den arren, 10:00etan autobus geltokian hitzordua jarri dute nahi dutenak goiko trenbidetik oinez joateko. Autobusez joan nahi duenak 10:50ean pesako autobusa hartu dezake.
Herri Urratsera autobusa
Maiatzaren 14an izango da aurten Herri Urrats jaia Senperen eta bertara joateko autobusa antolatu du debagunek. Txartelak erosteko aukera izango da Jarduneko bulegoan maiatzaren 11a baino lehen.
Udaleku irekiak eta zaintza zerbitzua
Aurten ere azken urteetan bezala Jardunek kudeatuko ditu Bergarako Udaleku Irekiak eta baita zaintza zerbitzua ere. 2 urteko haurretatik hasi eta 12 urte bitarteko neska-mutikoentzat zuzenduta egongo dira. Zerbitzu honen bitartez haurrentzat aisialdi euskalduna eta hezitzailea eskaniko dira, primeraz pasatzeaz gain.
Dagoeneko hasiak gara aurtengo udaleku irekietarako prestaketa lanekin eta urtero bezala hau aurrera eraman ahal izateko hezitzaileak behar ditugu. Aurten uztailaren 3tik 28ra izango dira.
Uztailean zehar haur zein gaztetxoekin lan egiteko gogoa izanez gero, ez izan zalantzarik eta animatu izena ematera maiatzaren 5a baino lehen.