Datorren asteazkenean, martxoak 27, Iraitz Agirre Aranguren antropologo eta ikertzaile feministaren hitzaldia izango da 19:00etan Irizar jauregian.

“VI. mendean emandako hainbat gertaerek gizarteko egiturazko aldaketa handiei hasiera eman zien, mundu mailan ez ezik, baita Euskal Herrian ere. Abya Yalako konkista, baleazaleen jarduerak ekarritako aberastasuna, kaperatasunaren garapena, euskal baserrien sorrera, atlantiar itsasaldeko eskualdeen ustiapen industriala, ondarearen transmisioaren inguruko antolaketa, etb. Erabat itxuraldatu zen euskal jendartea, modernitatearen ezaugarri  diren homogeneizazio eta metaketa dinamiken ondorioz.

Eraldaketa hauek eragin handia izan zuten herritarrengan, eta are, emakumeengan. Aro honen hastapenetako emakumeen historiaz eta memoriaz hausnartzeko gonbidapena izango da honakoa, gaur egungo ondarearen eta historiaren inguruko begirada findu eta genero harremanetan fokua jarriz, gizarte antolaketa moduan atentzioa jartzeko.”

Hitzaldi interesgarria izango da, beraz, animatu eta ez galdu aukera bikain hau!