Jardun euskara elkarteak II. Gau beltzaren inguruko mikroipuin lehiaketa (gehinez 100 hitz) antolatu du. Mikroipuinek gaitzat “Gau beltza” izan behar dute. Kategoria bakarra egongo da eta 2011an edo lehenago jaiotako edozein pertsonak parte hartu ahal izango du.
Lanak entregatzeko azken eguna urriaren 26a izango da . Atxikita bidaltzen dizkizuegu lehiaketako oinarriak:
OINARRIAK
01.- Mikroipuin lehiaketan 2011an edo lehenago jaiotako edozein pertsonak parte har dezake.
02.- Gaia “gau beltza” izango da.
03.- Lan guztiak jatorrizkoak, argitaragabeak, saritu gabeak eta euskaraz idatziak izan beharko dute. Gehienez 10 mikroipuin aurkezteko aukera dago.
04.- Lanek gehienez 100 hitz izango dituzte eta eskuz zein ordenagailuz idatzita aurkeztu ahal izango dira.
05.- Posta arruntez bidaltzeko, egilearen datuak (izen-abizenak, adina, telefonoa) kartazal txiki batean sartu, ondoren kartazal txiki hau eta mikroipuna beste kartazal batean sartu eta bidali.
Posta elektronikoz bidaltzeko, gutuna fitxategi batean bidaliko da, “gau beltza” izenarekin eta egilearen datuak, “egilea” izena duen beste fitxategi batean.
06.- Mikroipuinak honako helbide honetara bidali beharko dira:
Gau beltza II. Mikroipuin lehiaketa
Jardun Euskara Elkartea
(Oxirondo plaza 2, 1. solairua)
20570 Bergara – Gipuzkoa
07.- Lanak jasotzeko azken eguna 2025eko urriaren 26a izango da.
08.- Epaimahaia hiru pertsonek osatuko dute, bi jardunkidek eta pertsona independente batek.
09.- Epaimahaiaren erabakia posta elektronikoz edota telefonoz jakinaraziko zaio irabazleari. Sare sozialetan eta tokiko hedabideetara ere zabalduko da.
10.- Saria: 150€ + kalabaza
11.- Sari banaketa urriaren 30ean izango da.
12.- Lan guztiak Jardun Euskara Elkartearen esku geratuko dira eta osorik zein zatika argitaratzeko aukera izango du, beti ere, egilea zein den garbi adieraziz.
13.- Informazio gehiago:
943763661-605712469
