Joan den larunbatean, hau da, maiatzaren 9an, Zahar Berrik eta Berriketan egitasmoak antolatzen ditugun aste bukaeretako ekintzen barruan, Arabar Errioxara joan ginen.  Bertan, egun osoz Fran Zumalabe arkeologoa izan genuen bidelagun. Lehenik, Sonsierrako Peciña inguruan aurkitzen den Santa Maria de la Piscina XII. mendeko ermita ezagutu genuen, baita inguruan dauden nekropoliak eta trikuharria ere. Ondoren, San Vicente de la Sonsierrako gaztelurantz abiatu ginen, garai batean Nafarroako erresumako defentsako gaztelu ederra gertutik ezagutzera.
Inguru hauetan gaztelu, nekropoli eta trikuharri asko dago, luzaroan lur oparoa eta bizitza egon den seinale.

Bastidara gerturatu, Arabar Errioxako jan eta edana dastatu eta denok pozik bueltatu ginen. Egun edarra pasatzeaz gain, Euskal Herriko historiaren zati garrantzitsu bat ezagutzeko aukera ere izan genuen!! Eskerrik asko Fran!!