Monthly Archives: iraila 2016
Osa/Narbaiza #15 “Euskalgintza eta feminismoa”
Landerrek botatako galdera potolua onartu giñuan ·”zein harreman egon beharko litzake euskararen aldeko mugimendua eta feminismoaren artian?”, azkenian, ein dogu gure katai propiua! Saiatuko ga ba, uhinetatik hurrengo lerrotan erantzuten:
Lehenengo eta behin, azaldu nahi giñuke nola ulertzen dittugun, bi mugimenduok: Feminismu(ek), gizarte berdinzale eta justuago baten aldeko proposamen, teoria eta praktiken multzua da, askotariko korrontiak barnebiltzen dittuana; hainbaten pribilegiuak zalantzan jarriz, etengabe birpentsatzen zein berreraikitzen dagona. Euskararen aldeko mugimendua, hizkuntzaren berreskurapen eta normalizaziñorako gizarte mugimendua, euskalgintzan diharduten talde, elkarte, erakunde sozialetan osatzen eta gorpuzten dana.
Guk, pertsonalki, bi prozesu ezberdin bizi izan dogu bakoitzakin. Eskola garaixan batez be, euskalgintza eta euskerian inguruko erreferentzia ugari jaso izan dittugu, baitta hainbat taldetan parte hartu be. Garai honetan, ezer gutxi entzun giñuan feminismuen inguruan. Urtiak aurrera, tripak aldrebestu eta feminismotik edaten eta ikasten juan ga, baitta irratixan be. Txapa Irratixan bertan, guk biok (beste lagun batzukin batera), ‘Txibierroak Uluka’ irratsaiua eitten dogu, betaurreko moreak jantzitta eta euskeraz. Mikrofono artian, euskaldun eta emakume moduan libre!
Landerren galderiai helduz, azkenengoz Arrasaten Idurre Eskisabel eta Lorea Agirren hitzaldi baten entzun giñuan Izan zaitezke feminista euskaltzale izan gabe?. Guk Idurre eta Lorean esaldixai buelta emanez: izan al zaitezke matxista euskaltzalea izanda? Bai. Izan be, hainbat izen/hitz generuan arabera banatzen ez dittugun arren, euskara eta euskal hiztunon mundua ez da neutrua, eta patriarkatuak zeharkatzen dau, bestiak bezela. Hau hola, Feminismoak zer ekarri al dau hizkuntzian planora? Eta alderantziz? Zein harreman sortu leizke bi mugimendu honen artian gaur egun?
Bi borroka honek, bakoitzak bere esparruan, justizia, eskubidiak, sareak… bezalako gaixak lantzen badittue be, lotura gutxi euki dabe. Ez da egon oin arte harreman eta lotura haundirik euskalgintza eta feminismuen artian. Badago baina, zertaz gogoetatu eta ikasi:
Euskera elkartien jardunerako eredu izan leizke mugimendu feminista eta LGBT mugimendua (lesbiana, gay, bisexual eta transexualen mugimendua). Adibidez, mugimendu feministari esker ikasi dogu jabetzea edo ahalduntze kontzeptua eta baliagarrixa ein ahal jaku hizkuntzan eremuan. Gogoratzen 19. Korrika? Euskahaldundu!
Beste adibide bat jartzearren, bertsolaritza, historikoki gizonezkuena izan dan kultur eremua izan da. Agerikua da, gaur be espazio publikuan eta eszenan agertzeko emakumiok dittugun oztopuak. Oztopuei aurre eginez eta arnasgune berrixak sortuz, Zarautzen, bertso eskola feminista sortu zeben hainbat belaunaldixetako emakumiek. Euskerian aldeko mugimenduakin lotura zuzena daukan espazio hau begi berrixekin ikusiz.
Gauza askotan parian jartzia edo konparatzia zaila dan arren, paraleluak izan leizke emakume edo euskal hiztun bezala izan geinken bizipenak. Tankera berekuak izan leizke emakumiok eta euskal hiztunok jasotzen dittugun mezuak eta jarri izan jaun rolak; esan geinke, momentu askotan, euskeriai eta emakumioi, zaintza, etxia, sukaldia eta emoziñuekin lotutako gaixak egokitzen jakula. Baina, emakumiok plazandrak izan nahi dogun bezela, euskeria be plazan nahi dou! Horreaittik, eukikou bazterretatik elkarri laguntzeko eta lan eitteko bidia! Eta batezbe, gehixautan elkar-trukatu bihako giñuzen bakoitzan betaurrekuak, hau da, mundua ikusteko moduak!
Bukatzeko, irratitik, ospitalera salto einaz, Nerea San Miguel medikuari luzatuko dotsagu kataian idazteko gonbita galdera honen bittartez: “Nola bizi dozu euskaldun bezela mediku lanetan aritzia?”
Ipuin kontalaria ostiralean Bergarako ludotekan!
Kaixo guztioi!
Ostiralean, irailak 30, ipuin kontalari bat izango dugu Oxirondoko ludotekan.
Animatu eta eman diezaiogun asteburuari ongi etorri ederra!!!
– Eguna: Irailak 30, ostirala
– Ordua: 18:00
– Ipuin kontalaria: Irati Alberdi
* Irailean ate irekiekin jarraitzen dugula gogorarazten dizuegu.
Nerea Alzelaik irabazi du udako euskarazko postal lehiaketa
Jardun euskara elkarteak bosgarren aldiz udako postal lehiaketa antolatu du.
Euskal Herritik eta kanpotik mota eta estilo guztietako postalak jaso ditugu eta eskerrak eman nahi dizkizuegu parte hartu duzuen guztioi!
Nerea Alzelaik Bartzelonatik idatzitako postalak jaso du aurtengo saria. Postal “orijinala” izan da Alzelairena, “begiak itxita entzun daitekeenaren berri ematen duena”. Lehiaketaren helburu nagusia komunikazio informal eta idatzietan euskara erabiltzea izan da eta aurtengo irabazleak betean asmatu duenez, hamar pulgadatako tableta eroan du etxera. Zorionak Nerea!!
u
BERGARA: JARDUN EUSKARA ELKARTEAK KARMELO AYESTAREN HITZALDIA ANTOLATU DU
Jardun euskara elkarteak “Hasi etxetik… eta euskaraz mundura” zikloaren barruan urriaren 5erako, Karmelo Ayestaren “Euskaldun baten hizkuntza-bidaia” hitzaldia antolatu du 19:00etan Irizar jauregian.
Eguna: Urriak 5, asteazkena
Ordua: 19:00etan Irizar jauregian
Euskaldun baten hizkuntz bidaiaren gaineko hausnarketa Karmelo Ayestaren eskutik
Euskararen erabilerak izan duen bilakaerak agerian jarri du aldaketa sakona dela hizkuntz ohitura berriak barneratzea. Hizkuntz bidaia hori erraztea da hitzaldiaren helburu nagusia. Hausnarketaren sorburuan, honako hiru galdera hauek daude: Zergatik aldatu hizkuntza-jokabidea eta euskaraz bizitzen saiatu? Zer gaitasun landu behar dira prozesua arrakastatsua izan dadin? Zer oinarri teoriko eta metodologiko erabil daitezke norberaren euskararen erabilera-marka hobetzeko? Hitzaldian, honelako erantzunak proposatuko dira:
- Euskaraz bizitzeko motibazioa indartsuagoa da norberaren asmo transzendentaletan eta balioetan oinarritzen denean.
- Prozesuaren arrakasta bermatzeko beharrezko dira gaitasun emozionalak lantzea, nork bere buruaren ezagutzan sakontzea, huts egitetik ikastea, eta euskararen gaineko aurreiritziak zalantzan jartzea.
- Emaitza hobeak lortzen dira elkarlanean arituta, eta enpatia eta konfiantzatik abiatuta, hizkuntza-gatazkaren paradigma erabilita baino.
Beste leku batzuetan ere eman izan da hitzaldi hau eta arrakasta handia izan du.
Urrian: Hasi etxetik…. eta euskaraz mundura!!! zikloa
HASI ETXETIK….
…ETA EUSKARAZ MUNDURA ZIKLOA
KARMELO AYESTA: EUSKALDUN BATEN HIZKUNTZA BIDAIA
URRIAK 5, ASTEAZKENA
19:00ETAN IRIZAR JAUREGIAN
Euskaldun baten hizkuntz bidaiaren gaineko hausnarketa Karmelo Ayestaren eskutik
Euskararen erabilerak izan duen bilakaerak agerian jarri du aldaketa sakona dela hizkuntz ohitura berriak barneratzea. Hizkuntz bidaia hori erraztea da hitzaldiaren helburu nagusia. Hausnarketaren sorburuan, honako hiru galdera hauek daude: Zergatik aldatu hizkuntza-jokabidea eta euskaraz bizitzen saiatu? Zer gaitasun landu behar dira prozesua arrakastatsua izan dadin? Zer oinarri teoriko eta metodologiko erabil daitezke norberaren euskararen erabilera-marka hobetzeko? Hitzaldian, honelako erantzunak proposatuko dira:
- Euskaraz bizitzeko motibazioa indartsuagoa da norberaren asmo transzendentaletan eta balioetan oinarritzen denean.
- Prozesuaren arrakasta bermatzeko beharrezko dira gaitasun emozionalak lantzea, nork bere buruaren ezagutzan sakontzea, huts egitetik ikastea, eta euskararen gaineko aurreiritziak zalantzan jartzea.
- Emaitza hobeak lortzen dira elkarlanean arituta, eta enpatia eta konfiantzatik abiatuta, hizkuntza-gatazkaren paradigma erabilita baino.
TXERRA RODRIGUEZ: “SUTONDOKO KONTUAK” LIBURUAREN AURKEZPENA
URRIAK 19, ASTEAZKENA
19:00ETAN IRIZAR JAUREGIAN
Txerra Rodriguezek Emuneko hizkuntza aholkulari legez egiten du lan, ahaztu barik soziolinguistika teorikoa eta, batez ere, soziolinguistika horren dibulgazioa. “Sutondoko kontuak” bere lehen liburua aurkeztuko digu: “Txatalez osatutako liburua duzu hauxe, irakurle. Sutondoetan izaten diren elkarrizketen antzera, anabasa nagusi dela ematen du orri hauetan. Hala ere, dena hari ikusezin batek lotzen du: soziolinguistikak eta haren dibulgazioak. Izan ere, soziolinguistikaren erpinetatik edan, digeritu eta zuei botatakoak dira berba hauek guztiak. Istorioak txirikordatzen dira liburuan, batzuetan umore beltzetik, beste batzuetan gordinetik. Josi eta jostatzen. Utopiatik errealitate gordinera, ametsetik ezintasunera maiz. Baina ilusioak eta kemenak blaitzen dituzte liburu honen istorioak. Liburuan, gainera, ez dago disimulurik. Sutondoko lapikoetan zer dagoen argi erakutsi nahi izan du egileak, bere ikuspuntua argi utzi du, han eta hemen egin dituen lapurretetan, baita berak esandakoetan ere. Sutondora batu eta supazterrera arrimatu, su berriak pizten eta su zaharrak mantentzen. Garenaren eta izan nahi dugunaren arteko amildegian zorrotz. Berbatik berbara saltoka adarrik adar, baina euskaltasun berriaren enborrari lotuta”.
DOKUMENTAL EMANALDIA: IÑIGO ASENSIOREN ‘Euskara Munduan–Besteen ahotan’ dokumental emanaldia
URRIAK 26, ASTEAZKENA
19:00ETAN ZABALOTEGI ARETOAN
Kamera eskuetan hartu eta mundu zabaleko hainbat herrialdetan egon da Iñigo Asensio, sortzez hain urrutikoak diren euskal hiztunak zerk bultzatu zituen gure hizkuntza ikastera jakiteko asmoz.
Euskara Munduan (2014) dokumentalaren bigarren eta azken atala da honakoa. Lehenengoa atzerrian bizi ziren euskal hiztunekin izan bazen, oraingoa jaiotzez atzerritarrak diren eta, aldi berean, euskaldun direnekin egon da.
Protagonista desberdinen bizipenak jasotzen ditu lanak, beraz. Jose Miguel Ramirez kolonbiarra eta poliglota lehenengoz etorriko da Euskal Herrira, eta bidaia EGA ziurtagiria ateratzeko aprobetxatu nahi du. Lortuko ote du? David Romtvedt AEBko Wyoming estatuan bizi da eta aitaginarreba zuen euskalduna. Harekin hitz egiteko ikasi zuen, baina orain badu lagun gehiago euskaraz aritzeko; Madeleine Harriet, 90 urteko amona, tartean. Chris eta David Bieter Idaho estatuko Boise hiriko epailea eta alkatea dira. Davidek bere aitona artzainaren eta euskaldunen gorabeherak kontatu zizkion Barack Obama AEBko presidenteari Air Force One hegazkinean. Hui Huang-ek Antzuolako Elay enpresak Txinan duen lantegian egiten du lan. Badaki euskara hitz egiteak enpresa barruan komunikazioa erraztuko diola. Saharako haurrek, berriz, argi daukate euskaraz ere jolas daitezkeela; bi herrien arteko elkartasun-harremanetik kanpalekuetara eraman dute altxorra da euskara.
Asensiok euskal kulturaren mugak hizkuntzaren bidez zabaltzeko aukera jasotzen du, euskalduntasuna eta gure errealitatea Euskal Herritik kanpo zabalduta. Protagonistek euskararen aurrean erakusten duten errespetua eta interesa, euskarak kultura berri bat ezagutzeko eman dien bidea erakusten du, protagonista bakoitzaren historia kontatuz.
Urruneko senideen bideari heldu nahia, interes linguistikoa, herri bat ezagutzeko bere hizkuntza ezinbestekotzat jotzea… Hamaikatxo dira munduko txoko ezberdinetan, hemendik urrun, gure herriaren eta gure hizkuntzaren berri izatearen aldeko apustua egin dutenak, eta asko dira horien artean hizkuntza hori ikasi eta menderatzeko erronka onartu dutenak ere.
Istorio zinez ezberdinak, berriro, eta, protagonisten jatorria edozein dela ere, munduan zehar euskararen mapa linguistikoa marrazten lagunduko digutenak.
Euskara Munduan-Besteen ahotan dokumentala (62 minutu) Iñigo Asensiok (Tolosa, 1985) zuzendu du, eta Korima Filmsek, Traola Sormena & Mediak eta Euskal Telebistak ekoitzi dute, Eusko Jaurlaritzaren eta Gipuzkoako Foru Aldundiaren laguntzarekin.
BERTSO ESKOLETAN PARTE HARTZEKO IZEN EMATEA ZABALIK!!!!
Bertsolaritza tresna oso garrantzitsua da euskararen erabileran, besteak beste, hiztegia, ahozkotasuna eta hizkuntza bere osotasunean lantzen baitira. Hori dela eta, Bergaran, bertsozaletasunari eta oro har bertsolaritzari bultzada bat eman nahian badira urte batzuk bertsozale elkartearen laguntzaz bertso eskolak martxan jarri genituela, haurren eta helduen (Kopla barik) bertso eskola hain zuzen ere.
Bertso-eskolaren helburuak hauek dira:
– Bergaran bertsozaletasuna berpiztea.
– Bergarako bertsozaleen transmisioa ziurtatzea.
– Ahozkotasuna lantzea.
HAURREN BERTSO ESKOLA
Jardunek ohitura eta zaletasun hauek Bergaran indartzeko asmoz haurren bertso eskola du martxan. Egitasmo hau, Gipuzkoako bertsozale elkartearekin batera bideratzen dugu eta irakasle bezala Nerea Madariaga ari da.
Haurren bertso eskolan osagairik garrantzitsuena taldean sortzen den giroa da. Bertso-eskola ez da ikastaro bat; bertsotan elkarrekin eginez ongi pasatzeko biltzen den lagun talde bat baizik.
EGUNA: Astelehenetan
ORDUA: 18:15etatik – 19:15etara
LEKUA: Zubietako eskola zaharrean
KOPLA BARIK HELDUEN BERTSO-ESKOLA
Helburu nagusia bertso-eskolako kideak bat-bateko bertso-jardunean trebatzea da. Hori da bertso-eskola baten funtzio oinarrizkoenetakoa. Baina, hau lortzeko osagairik garrantzitsuena hemen ere taldean sortzen den giroa da. Horregatik, ezinbestekoa da lagun-giro hori landu eta bultzatzea. Bertso-eskola ez da inoiz modu magistralean emango. Irakaslea ikasleen eskura egongo den pertsona bat izango da, dakiena erakutsiko duena, baina irakasle baino gehiago, taldearen bultzatzaile, indartzaile, animatzaile, koordinatzaile eta arduraduna izango dena.
EGUNA: Asteazkeneratan (2 astean behin)
ORDUA: 19:30etatik aurrera
LEKUA: Gaztetxean
Bertso eskolan izena emateko:
Jardun Euskara Elkartean (Errotalde jauregia z/g)
943763661 / 605712469 telefono zenbakietan
jardunkultura@topagunea.com helbide elektronikoan
BERBALAGUNA: Konturatzerako euskaraz!!! Berriketan egitasmoan izena emateko deialdia zabalik!!
Zer da Berriketan?
Gero eta jende gehiagok daki euskaraz, hizkuntzaren ezagutza gero eta arinago zabalduz doa; baina erabilera ez da neurri berean hazten. Jende askoren harreman sareak erdaldunak dira, eta horrek zaildu egiten du euskara jakitetik euskaraz berba egiteko pausoa ematea. Horretan laguntzeko, mintzapraktika egitasmoak daude martxan hainbat herritan: Bergararan esate baterako, Berriketan egitasmoa.
Berriketan egitasmoari esker, euskaraz naturaltasunez moldatzen diren lagunak haien mintzamena hobetu nahi dutenekin euskaraz berba egiteko elkartzen dira, eta dena borondatez. Hiruzpalau partaideko taldeak osatzen dira, talde hauek maiztasun jakin batekin elkartzen dira (gehienak astean behin ordu batez) euskaraz berba egiteko eta, tarteka tarteka, nahi duenak parte hartzeko ekintza osagarriak ere antolatzen dira, Berriketan egitasmoan parte hartzen duten talde desberdinetako partaideak elkar ezagutzeko.
Berriketan bezalako mintzapraktika programek euskararen erabilera bultzatzen dute, bai euskara maila hobetu nahi duten pertsonen artean eta baita maila txukuna dutenen artean ere. Are gehiago, programa hauek bi talde hauek harremanetan jartzen dituzte.
Mintzapraktika egitasmoen helburuetako bat euskaldunon komunitatea zabaltzea da, euskarazko harreman sareak sortu eta hedatuz euskaldunon hizkuntza komunitatea zabaltzea, euskaraz aritzeko ditugun aukerak ugarituz.
Mintzalagun bihurtzeko arrazoiak asko izan daitezke: ahaztutako hizkuntza freskatzeko, jende berria ezagutzeko, ilobarekin hitz egiteko, beste batzuei hori guztia egiten laguntzeko… baina denek badute zerbait amankomunean: aisialdiaz euskaraz gozatzen dute eta, arian-arian, lagun giro euskalduna sortzen dute. Askok, gainera, egitasmoaren helburua bete ostean ere elkartzen jarraitzen dute. Hori ere, esperientziak erakutsi digu.
Horretaz gain, erakundeek, euskaltegiek eta euskara elkarteek elkarlanean aritzeko aukera paregabea dute.
Aurten ere herri eta eskualde askok zabalduko dizkiote ateak Mintzapraktikan aritzeko aukerari, tokian tokiko euskaltzaleen elkarteekin eskuz-esku.
Haietarik 23 herri eta eskualdek hartuko dute parte ikasturte hasierako kanpainan. Honakoak dira:
Araban: Arabako Errioxa, Arabako Mendialdea, Gasteiz eta Gorbeialdea.
Gipuzkoan: Aretxabaleta, Arrasate, Bergara, Deba, Donostia, Elgeta, Lasarte, Eskoriatza, Hondarribia, Oñati, Ordizia, Orereta eta Soraluze.
Nafarroan: Baztan/Bortziriak/Malerreka, Iruñerria eta Lizarraldea
Bizkaian: Erandio, Getxo, eta Txorierri.
Euskaraz aritzeko ohiturarik ez dutenak ohitura dutenekin elkartzen dituzte Mintzapraktika egitasmoek, erabileran eragiteko eta hizketarako konfiantza eta gune berriak eskaintzeko. Astero 6000 Mintzalagunek baino gehiagok euskaraz bizitzearen alde eragiten dute, elkarrekin ordubetez euskaraz arituz.
Ohiko saioak:
BERRIKETANek antolatzen dituen berba-taldeak astero ordu batez elkartzen dira euskaraz berba egiteko. Taldea autonomoa da zer egin nahi duen erabakitzeko: nonbait jarri eta zerbait hartu, paseoan ibili… Talde guztietan euskaraz txukun berba egiten duen pertsona bat edo bi izaten dira eta taldeko beste bi edo hiru lagun euren euskara maila hobetu nahi dutenak izaten dira.
Saio osagarriak:
Asteroko hitzorduez gain, nahi duenak parte har dezake ekintza osagarrietan ere. Saio hauek anitzak izaten dira: afariak, bisita gidatuak, mendi irteerak eta beste hainbat. Saio hauen bidez herriko beste berba-lagunekin elkartzeko eta elkar ezagutzeko aukera izaten da eta, batzuetan, eskualde mailan martxan dauden beste berba-lagun egitasmoekin batera ere antolatzen ditugu.
Datu batzuk:
Bergaran, 2006tik hona urtero 55 lagunetik 74 lagunera bitartean izan ditugu taldeetan (taulan kopuruen zehaztasuna); eta bi ikasturtetan hika-lagun taldea ere izan da martxan.
Berriketaneko partaideen gehiengoa euren euskara maila hobetu nahi dutenak izaten dira (bidelariak): euskaltegietako ikasleak eta ikasle ohiak edo aspaldi ikasitako euskara maila berreskuratu nahi dutenak. Eta horien laguntzaile euskaraz natural berba egiten dutenak (ez dutenak irakasle paperik hartuko, zailtasuna daukan pertsona berba egitera animatzea izango baita euren helburua).
| BERRIKETAN EGITASMOAN URTEZ URTE IZAN DIREN PARTAIDEAK:
2006-2007 ikasturtean 65 partaide izan ziren, 2007-2008an 54 hamabost taldetan banatuta, 2008-09 ikasturtean 55 partaide 18 taldetan banatuta, 2009-2010 ikasturtean 54 lagun 16 taldetan banatuta, 2010-2011 ikasturtean 65 lagun 19 taldetan banatuta (45 bidelari eta 20 bidelagun), 2011-2012 ikasturtean 71 (47 bidelari eta 24 berba-lagun), 2012-2013an 72 partaide (50 bidelari eta eta 22 berbalagun, 19 taldetan banatuta), 2013-2014an 68 partaide (46 bidelari eta 22 berbalagun, 18 taldetan banatuta), 2014-2015ean 74 partaide (52 bidelari eta 22 bidelagun 18 taldetan banatuta) eta 2015-2016an 60 partaide (43 bidelari eta 17bidelagun 15 taldetan banatuta) talde arruntetan. Bestalde, 2007-2008an, 2011-2012an eta 2014-2015ean hika-lagun talde bana ere izan ziren. |
Bestalde, aipatu behar da “Berriketan” egitasmoan (eta “Mintzanet” egitasmoan) parte hartzeko euskaldun-berri horiek euskaraz berba egiteko gutxieneko gaitasuna behar dutela, baina ezer ez dakienak, euskaltegian euskaraz ikasteaz aparte, badauka Bergaran beste aukera bat ere, AUZOKO egitasmoan parte hartuta.
Eta astean behin taldean elkartzeko aukerarik ere ez duenarentzat, badago Euskal Herri mailan euskara etxetik irten gabe eta doan praktikatzeko (Internet bidez) beste aukera bat. Horretarako informazioa ondorengo helbidean topa dezakezue: www.mintzanet.net
Berriketanen berri izateko eta izena emateko:
Berriketan egitasmoak antolatutako hainbat saioren informazioa, irteeren berri … http://www.jardun.eus helbidean ikus daiteke. Bestalde, Euskal Herrian dauden mintzapraktika programen inguruko informazio gehiago www.mintzapraktika.org webgunean aurki daiteke.
Eta izena ematera animatzen direnak Jardun Euskara Elkartera deitu (943 763661/605712469) edota Jardunen bulegotik pasa (Errotalde jauregia z/g) daitezke, bai euskaraz berba egiten duzuenak (taldetxo baten laguntzaile izateko) eta baita euskara praktikatu nahi duzuenak ere; astean ordubete atsegina pasatzeko beste modu bat duzue eta!
Sustatzaileak:
Bergarako Udala, Bergarako Udal euskaltegia eta Jardun Euskara Elkartea.
NUTRIZIO IKASTAROA BERGARAN
Kaixo,
Jardun Euskara Elkarteak antolatu duen Nutrizio ikastaroaren berri eman nahi dizue.
NUTRIZIO IKASTAROA
Mireia Alberdi dietistaren eskutik
EGUNAK: Irailak 27 eta 29 eta Urriak 4 eta 6
Ordua: 19:00etatik 20:00etara
LEKUA: IRIZAR jauregia
Prezioa: 12 € Jarduneko bazkideak 15 € gainontzekoak. Ikastaroak plaza mugatuak izango ditu.
Izen ematea: JARDUN EUSKARA ELKARTEAN
943763661 / 605712469
UMEENTZAKO ANTZERKI TAILERRA ZURRUMURRU ANTZERKI TALDEAK ESKAINIA
Antzerki tailerrak hezkuntza tresna garrantzitsuak izan daitezke.
Lehenengo eta behin, azpimarratu beharra daukagu tailer hauen oinarria jolasa dela, jolasa ulertzen dugu giza ekintzaren oinarri gisa, eta jarrera aktibo eta dinamikoak ikasketa prozesua errazten du. Beste alde batetik, ahozko eta gorputz adierazpena bultzatzen ditu, giza komunikaziorako tresna nagusi gisa. Azkenik metodologia parte hartzailea da, talde lana, elkartasuna eta hausnarketa bultzatzen ditu.
Zurrumurruren ustez antzerki tailerrak umeentzat esperimentazio eta sormen gune ireki bat izan behar du.
HELBURUAK
- Norbere gorputzaren eta gainontzekoen ezagutza. (Autoestimua bultzatu, emozioak ezagutu, zentzumenak garatu…)
- Espazioaren jabetza.
- Ahotsa landu.
- Mugimendu naturala.
- Pentsatu, arrazoitu eta kritikatzeko gaitasuna sustatu.
- Komunikazioa landu.
- Izaera sozialeko gaitasunez jabetu. (taldean lan egiteko gaitasuna, talde lana antolatu eta planifikatzekoa…)
- Hizkuntza landu.
- Ahozkotasuna landu-
- …
HELBURUAK LORTZERA BIDERATURIKO JARDUERAK
JOLASA
Tailerraren helburua ez da aktore onak aurkitu edo prestatzea, umeari inguratzen duen munduarekin harremanak hobetzeko ezagutza, jarrera eta trebetasunak eskaintzea baizik. Honetarako ezinbesteko jarduera da jolasa, hori baita umeak errealitatearekin harremanetan jartzeko daukan bidea. Jolasa da umeen jardueraren oinarri. Gainera egitura intelektualak sendotzeko balio du, hauetaz jabetzen doazen heinean.
AHOZKO ETA GORPUTZ ADIERAZPENA
Tailer hauetan gorputz adierazpena landuko dugu gorputza eta bere aukerak ezagutu ahal izateko, garapen pertsonal eta inguruarekin harreman bide gisa.
Ahozko adierazpena lantzean inguruarekin harremana hobetu eta gatazken konponbide hobe eta positiboagoen bilaketa bultzatzen dugu. Hizkuntzaren ezagutzak arazoen ulermen handiagoa dakar eta ondorioz, irtenbide egokiagoak aurkitzeko gaitzen gaitu.
Ahozkotasuna lantzean hizkuntza aberastu eta erabilera bultzatzen dugu.
SORMENA ETA IRUDIMENA
Sormena eta irudimena lantzen ditugunean, ikasleari egoera zail eta ustekabekoen aurrean baliabideak eskaintzen dizkiogu. Lanketa posible bat istorioak sortu edota eraldatzea izan daiteke, bide batez irakurzaletasuna bultzatuz.
TALDE LANA ETA KOOPERAZIOA
Taldekide guztien parte hartzea bultzatzen duten jarduerak egiten ditugu,
guztien behar eta iritziak kontutan hartu; erantzukizunak hartzearen aldeko apustua da.
Jarduneko antzerki taldea 2 urte jarraian izan da Koldo Eleizaldeko lehiaketan antzerki sailan irabazlea.
SENDABELAR IKASTAROA IRAILAREN 13AN ETA 20AN
Kaixo,
Jardunek irailerako antolatu duen sendabelar ikastaroan plaza batzuk geratzen dira. Ikastaroa bihar (irailaren 13an) hasten da.
Animatu, gure aiton-amonen erremedixuak ikastera!!
