Aurtengo kurtsoan ere Gaztelekuan  badago zer egin!

Asteburu honetan gaztetxoek egindako eskaerei erantzunez, Eibarreko zinera  joan ziren larunbatean  eta igandean pitzak egin eta dastatzeko aukera izan zuten.

Talde polita dabil Xabaloten eta primeran pasatu zuten asteburu honetan ere.

Animatu eta gerturatu lagun artean asteburuak primeran pasatzera!

Azaroan zehar “Ezagutu, murgildu eta ekin” zikloa antolatu da. Ziklo eder honen helburu nagusia, besteak beste, euskararen erabilera sustatzea da.

• Azaroaren 8an, asteazkena, Urtzi Urrutikoetxearen ”Zertaz ari gara hizkuntza normalizazioaz ari garenean?” hitzaldia eskainiko du 19:00etan, Irizar jauregian.
• Azaroaren 15ean, asteazkena, Juan Martin Elexpururen “Euskararen aztarnak Sardinian” liburua aurkeztuko du, 19:00etan Irizar jauregian.
• Azaroaren 22an, asteazkena, Euskal Herrian Euskaraz-ek “Euskaraz gara ala ez gara. Euskal Herri euskaldunari ateak irekitzeko proposamena”hitzaldia eskainiko du 19:00etan Irizar jauregian.

Animatu euskararen inguruko ezagutza handitu eta hitzaldi interesgarri hauetaz gozatzera!

Urte batzuk pasatu dira azkenekoz kantu afaria antolatu genuenetik, baina, aurten bazkide batzuek egindako eskaerari erantzunez kantu afaria antolatuko da abenduaren 15ean Artatse elkartean.

Prezio arrunta 15 eurokoa izango da eta bazkideek 12 euro ordaindu beharko dituzte.

Txartelak Jardunen eta Arranon eskuratu ahal izango dira azaroaren 27tik aurrera, baina dagoeneko data agendan apunta dezakezu!

Dagoeneko  Errigorako otarren eskaera egiteko aukera dago azaroaren 14a arte. Jarduneko bulegoan edota www.errigora.eus webgunean egin daitezke eskaerak. Aurten ere aurreko urtean bezala bi saski ezberdinen artean aukeratu ahalko da, zuria edo beltza eta bakoitzak 50 euro balio ditu.

Animatu zure aletxoa ipini eta euskarari bultzada ematera!

Atzo arratsaldean Osintxuko ludotekan altxorraren bila jolasa egin zuten. Giro ederra lagun primeran pasatu zutik guztiek.

Gure Esku Dago eta Euskararen Gizarte Erakundeen Kontseiluaren ekimenez TRIPONTZIA URTEBERRIKO SARIA zozketa jaio da.

Tripontzia Urteberriko Saria Euskal Herriko zozketa izateko anbizioarekin jaiotako ekimena da.

Tripontzia Urteberriko Sariak esparru anitzetako eragile eta dinamikekin bat egin eta norabide berean garatzeko proiektu bateratzailea eta irekia izan nahi du. Elkarrekin lanean, komunitate gisa zer egiteko gai garen erakusteko balio dezaketen proiektuak jarri nahi dira martxan eta Tripontzia zozketa horren adibide bat da.

Epe luzera begirako lehen urratsa da aurten egingo dena  eta datozen urteetan eremu gehiagotan sustraitzeko helburua du Tripontziak; urtez urte, euskal herritar denon esparruetan errotuz joateko.

Euskal komunitatea bere osotasunean aintzat hartuta eta elkarren arteko loturak estutzeko asmoarekin, Euskal Herriko lurraldeak eta diasporak osatuko dute zenbaki bakoitzeko zortziko seriea.

Tripontzia Urteberriko Saritik jasotako dirua Gure Esku Dago eta Euskararen Gizarte Erakundeen Kontseilua gizarte erakundeen jarduna finantzatzeko erabiliko da. Tripontzia-ko billeteak erosita erabakitzeko eskubidearen aldeko ekimenak eta Euskal Herrian euskararen normalizazioa bideratu zein bizkortzeko egitasmoak lagunduko dira.

Zozketan irabazle aterako den zenbakiak 60000€ko saria izango du eta zenbaki berbera duten beste 7 serieek 6000€ko saria.

Sari tripontzia-ko txartelak Jardun euskara elkartean daude salgai 5 eurotan.

Animatu erostera eta zorte on!

Asteburuan primeran pasatu zuten txapligun bertaratu ziren gaztetxoek. Bizkotxoak egin zituzten igandean eta ondoren lagun artean hauek dastatzeko aukera ere izan zuten.

Errigorak dagoeneko hainbat zubi eraiki ditu azken urteotan baina oraindik ere zubiak eraikitzen jarraitzeko asmoa dauka izan ere zubi berriak eraiki nahi ditugu Nafarroa hegoaldeko euskaltzaleen artean, egunen batean euskaraz bizitzeko egitasmo berriak martxan jartzeko ametsa egia bihur dadin.

Zubi berriak eraiki nahi ditu ekoizle, kontsumitzaile, kontsumo-talde, dendari, jantoki eta abarren artean, egunen batean kanpainetatik harago merkaturatze bide berriak zabaltzeko ametsa egia bihur dadin.

Zubi berriak eraiki nahi ditu nekazari eta elaboratzaileen artean, egunen batean ekoizpen-eremu eta ekoizpen-eredu berriak sustatzeko ametsa egia bihur dadin.

Zubi berriak eraiki nahi ditu herria egin eta eraldatzen ari diren eragileen artean, egunen batean auzolan berriei bide egiteko ametsa egia bihur dadin.

Zubigintzan jarraitzeko asmotan aurten ere bueltan dira ERRIGORAko otarrak. Dagoeneko eskaerak egiteko aukera dago Jarduneko bulegoan eta azaroaren 14a arte egongo da epea zabalik.

Aurten ere aurreko urtean bezala bi otar ezberdin aukeratu daitezke, txuria edo beltza.

Errigorak dituen helburu nagusiak zubiak eraikitzen jarraitzearekin batera honako hauek dira:

• Nafarroa hegoaldeak propio dituen produktuak Euskal Herriko plazan kokatzea, urrunekoen ordez bertokoak kontsumitu ditzagun.
• Nafarroa hegoaldean “euskara ofiziala ez den zonaldeko” euskalgintzari bultzada ekonomikoa ematea.
• Herrigintza, auzolana, nazio-eraikuntza… “betiko” lan kolektiboan oinarrituz ekarpentxo bat egitea, lan molde honen beharra eta indarra goraipatuz.

Zubiak eraikitzen jarraitzeko jarri zure alea!

Kurtso honetan ere bueltan da “domeketan familian gozatzen” egitasmoa eta igande honetan emango zaio hasiera. Udazken garaian bete-betean gauden honetan, urtaro honekin lotutako eskulanak eta mural bat egiteko aukera izango da goizeko 11:30etatik 13:30ak bitartean.

Animatu igande goiza familian eta giro ederrean pasatzera!

Dagoeneko martxan da aurtengo kurtsoko auzoko egitasmoa. Talde guztiak oraindik martxan ez dauden arren, hemen duzue aurten martxan egongo diren hiru taldeen inguruko informazio gehiago.

-Emakume taldea: emakumeen integrazioa lantzeko taldea.

Asteazkenero 10:00etan Udal Liburutegian/ Hasiera data: urriak 23

-Ostiral goizetako taldea: 11:00etan Udal Liburutegian/ Hasiera data: azaroak 5

-Ostiral arratsaldetako taldea: 18:00etan Udal Liburutegian/ Dagoeneko martxan

Ez galdu aukera eta animatu eta zabaldu zure inguruan ere!