Angiozarko ludotekan ere ekintza ezberdin ugari egin dituzte azaroan zehar. Sukaldaritza tailerrak, Euskaraldiarekin lotutako hainbat ekintza eta tratu onaren eguna ere ospatu dituzte besteak beste.

Ikusi argazkiak!

Tripontzia Urteberriko Sariaren boletoak salgai jarri dira dagoeneko.

Jarduneko bulegoan salgai daude 5 eurotan, beraz, interesa duen oro bertatik pasa daiteke boletoa eskuratzeko.

Bergarako ludoteketan Euskaraldia dela eta hainbat ekintza ezberdin burutzen dabiltza egun hauen zehar. Ahobizi eta belarriprest maskotak egiteaz gain photocall politak ere osatu dituzte esaterako. Osintxuko ludotekaren kasuan gainera bideo bat ere grabatu dute bertako haur, gazte eta gurasoekin.

Ikusi, ikusi!

Badator euskarazko irakurzaletasuna bultzatzeko kanpaina. Honekin lotuta, abenduaren 3an hasi eta 16ra bitartean euskarazko liburuen truke azoka jarriko da martxan. Bertan parte hartzeko, gaur egun erabili ez eta egoera onean dauden euskarazko literatur liburuak JARDUNera ekarri beharko dira abenduaren 3tik 14ra arte. Ekarritako liburu bakoitzeko txartel bat emango da eta honekin abenduaren 16an Seminarixoan egingo den 2.eskuko azokan beste liburu bat hartzeko aukera izango da.

Berbalagunak ekimenetik sortutako ideia ezin hobe bat da honako hau. Hileko azken ostegunetan pintxo-potea egiteko geldituko dira, honela modu atsegin eta jator batean euskara praktikatzeko aukera eman nahi da. Planteamendua taberna batetik abiatu eta 4 pote hartzea izango da.

Gainera proposamen berri honekin inguruko euskaldunak, Berriketan egitasmoan parte hartu ez arren, berbalagunekin harremanetan jarri eta harreman sare euskaldunak sortzea lortu nahi da, euskararentzat gune berriak irabaziz.

Lehen pintxo-potea azaroaren 29an egingo da 19:00etan Depor tabernatik hasita.

Animatu eta gerturatu pintxo-pote ezberdin bat egitera!

Badator Bergarako bertsolari txapelketa. Aurtengo edizioan bi finalerdi jokatuko dira, lehena azaroaren 30ean eta bigarrena abenduaren 14an. Pol-Pol tabernan izango da lehenengo saioa gaueko 23:00etan eta bertan honako bertsolari hauek kantatuko dute: Jon Altuna, Unai Arantzabal, Asier Kortabarria eta Enaitz Alustiza. Bigarren finalerdia Bule tabernan izango da 22:30ean eta bertan kantatuko dutenak hauek dira: Gari Lopez de Munain, Eñaut Uriarte, Iñigo Arcelus eta Iraitz Artola.

Gai jartzaile lanetan, azken urtetan bezala Ibon Leibar arituko da.

Final handia abenduaren 28an izango da Bergarako Kartzela Zaharrean.

Igande honetan, azaroak 25, domeketan familian gozatzen ekimenaren baitan, gabonetako apaingarriak egiteko aukera izango da Oxirondo azokako gune librean 11:30etatik 13:30etara bitartean.

Gerturatu familian eta gozatu gainerakoekin eskulanak egiten!

Aurten ere bueltan da Amodiozko gutun eta esaldien lehiaketa. Gutunei dagokienez aurtengoa XVII. edizioa izango da eta esaldiena ordea III.a.

Egindako gutunak jasotzeko azken eguna urtarrilaren 6a izango da eta emodiozko esaldien kasuan, mezuak whatsappez bidali beharko dira urtarrilaren 24a baino lehen.

Animatu Jardunek antolatzen duen lehiaketarik maitagarrienean parte hartzera!

Aurten ere Xiberoko Ikastolen aldeko gabonetarako otarrak eskatzeko aukera izango da. Eskaerak abenduaren 10a baino lehen egin beharko dira Jarduneko bulegoan edota www.ikaskoli.eus webugnean.

Saski hauek, honako hiru helburu nagusi hauek dituzte:

1. Ikastolaren finantziazioan laguntzea. Seme-alabek euskaraz ikasteagatik,
gurasoek finantziazioaren %30 jartzen dute eta administrazioek, %20. Gainerako
%50, hau bezalako gizarte ekimenen bidez eskuratzen dute. Pasa den urteko
salmentari esker %5 estalia izan da (1400 otarre, 15 mila €).
2. Euskararen erabilera haunditzea Xiberoan eta bereziki ikastoleetan : pasa
den urteko salmentari esker, lan postu erdi bat ama eskolako haurrei mantendu
zaie, euskararen presentzia indartzeko geletan. Bestalde, euskal materialez ari
dira osatzen liburutegia, haurren bebaharrei erantzuteko, eta euskal arnas tokiak
zaintzeko.
3. Tokiko ekoizleak eta produktuak ezagutaraztea, Zuberoako etxalde eta
enpresetako ekoizpenak dituzten otarreak eskainiz.

Aukeratu zurea, eskatu eta gozatu!