Datorren maiatzaren 24an, asteartean, arratsaldeko 18:30ean Irizar Jauregian, Garbiñe Larrea izango dugu sortu duen “Sendabelarrek dakitena” liburuaren aurkezpena egiten.

Liburuak sendabelarren munduan murgiltzeko eta landare hauen erabilerak ezagutzeko aukera zabala eskaintzen digu.

Honen inguruan gehiago jakin nahi baduzu gerturatu zaitez liburuaren arukezpenera!

Aurtengo Pentekoste jaietarako hilebete pasa baino falta ez den honetan bagatoz, beste urte batez, marrazki eta lema lehiaketarekin!!

Gaurtik maiatzaren 18ra bitartean izango duzue zuen proposamena bidaltzeko aukera. Beti bezala, Jardun Euskara Elkarteko bulegora bidalita zein jardun@topagunea.eus-era idatzita aurkeztu ahal izango dituzue zuen diseinuak.

Oinarriak:

– Bi lehiaketa egongo dira: alde batetik, marrazkia lemarekin eta bestetik lema soilik.

– Edonork parte har dezake eta nahi beste marrazki edota lema aurkeztu ditzake.

– Marrazkietan bi kategoria egongo dira: haurrena (12 urtetik behera) eta helduena (12 urtetik gora). Lema berriz, jasotako guztietatik bakarra aukeratuko da.

– Marrazkiak, zuri-beltzean, A4 formatuan aurkeztu behar dira.

– Marrazkiaren gaia: jaiekin lotutakoa.

– Marrazkiarekin batera euskararen aldeko lema labur bat jarri behar da. Baina lema bakarrik aurkezteko aukera ere badago.

– Ez da onartzen inolako irudi sexistarik edota estereotipo sexistekin zerikusirik duen mezu, irudi edo bestelako elementurik.

– Lanean ez da egilearen daturik jarriko. Egilearen datuak (izen abizenak, adina, telefonoa eta helbidea) kartazal itxi batean sartuko dira eta kartazal hau eta marrazkia/lema, beste kartazal handiago batean sartuko dira. E-mailez bidaliz gero, bi fitxategitan bereiztu: alde batetik marrazkia eta bestetik egilearen datuak.

– Lanak aurkezteko azken eguna: maiatzak 18 (asteazkena)

– Lanak JARDUNeko bulegoan aurkeztu (Errotalde jauregia z/g – Udal liburutegia) edo jardun@topagunea.eus helbidera bidali beharko dira.

– Sariak: Helduen marrazkia:100€

Haurren marrazkia: 60€

Esaldi onena: 40€

– Saria eman gabe gera daiteke, epaimahaikoek horrela erabakitzen badute.

Aurreko urteko irabazleak:

AEDk, Loramendik eta Jardunek autobus bateratua antolatu dugu, maiatzaren 8an, Senperen ospatuko den Herri Urratsera joateko. Autobusak Aretxabaletan, Arrasaten eta Bergaran egingo ditu geldialdiak. Txartelen prezioa 12€ izango da, 10€ bazkideentzat, eta maiatzaren 5era arte izango da hauek eskuratzeko aukera!!

“Hitzen Ahairea” kantagintzari buruzko ikastaroa eskainiko dute Gotzon Barandiaran eta Rafa Ruedak, Bergaran.

Jardun euskara elkarteak eta Bergarako Udalak eta musiak eskolak lagunduta “Hitzen Ahairea” ikastaroa antolatu dugu. Idazleen eta musikarien arteko elkarreraginetik sortutako kantagintzari buruzko ikastaroa da.

Ikastaroa maiatzaren 10ean, asteartea, burutuko da Bergarako musika eskolako aretoan, arratsaldeko 19:00etatik 21:00etara bitartean.

Ikastaroa dohainik da.

Izena ematea Jardun euskara elkartean egingo da (Errotalde jauregian, 94376361/605712569 telefono zenbakia edo jardunkultura@topagunea.eus helbide elektronikoan).

• Zelan kantatu dute gure idazle eta musikariek Euskal Herria?

• Zein eragin (izan) dute idazle eta musikarien artean sortutako kantek euskaldunon imaginarioan?

• Zein alde dago Historia liburuetan erakusten digutenaren eta idazle eta musikarien artean sortutako kantek kontatzen dutenaren artean?

• Zein zen kantaren funtzio soziala XX. mendean? Eta gaur egun?

Galdera horiei guztiei saioan parte hartuko dugunon artean erantzuten ahaleginduko gara. Horretarako, zenbait kantari eta musika taldek kantetarako erabili dituzten testuak eta kantari eta poeten arteko harremanak aztertuko ditugu, baita zuzenean kantatuko ere.

Zatoz gure kultura hobeto ezagutu eta disfrutatzera!!

Kaixo familia:

Martxoa ere pasa zaigu jada. Ekintza ugari egin ditugu hilabete honetan: martxoak 8 ospatu dugu, Azkabaneko ihesaldia ihes gela egin dugu, korrika pasa dela ospatzeko ekintza ugari egin ditugu, musikaren eguna ospatu dugu, ipuin kontaketak izan ditugu, sukaldaritza errezeta goxoak prestatu ditugu,…

Hemen dituzue ekintza ezberdinetako argazki batzuk!

Apirilean ikusiko dugu elkar.

Datorren asteazkenetik aurrera Bergarako kaleetan izango gara Erramu Zapatuko zapiak saltzen. San Martin plazan edo Irala kalean aurkituko gaituzue hurrengo ordutegian:

Asteazkena-Osteguna: 18:00-20:00

Ostirala: 18:00-22:00

Zapatua: 10:00-13:00

Gerturatu eta eskuratu zurea!