Monthly Archives: iraila 2019
Jon Maiaren “Desde Extremadura al Bertsolarismo” hitzaldia San Joxepe elkartean
Jon Maiaren “Desde Extremadura al Bertsolarismo” hitzaldia San Joxepe elkartean
Urriaren 9an, astezkenean, 19:00etan, Jon Maiak “Desde Extremadura al Bertsolarismo” hitzaldia emango du Bergarako San Joxepe jubilatuen elkartean. Hitzaldia gazteleraz izango da eta San Joxepeko “hamabostaldi kulturalaren” barruan kokatuta dago.
Jonek Extremaduratik etorritako familia erdaldun batean hazi eta punta-puntako bertsolari izaterainoko ibilbideari buruzko bizipenak eta hausnarketak partekatuko ditu bertaratuko direnekin.
Charla “desde Extremadura al bertsolarismo” de Jon Maia
El 9 de octubre, miércoles, a las 19:00 horas, Jon Maia ofrecerá la charla “desde Extremadura al bertsolarismo” en la asociación de jubilados San Joxepe de Bergara. La charla será en castellano y se engloba dentro de la “quincena cultural” que organiza San Joxepe Jubilatuen Elkartea.
Desde Extremadura al Bertsolarismo. Es una conferencia que correrá a cargo de Jon Maia, bertsolari guipuzcoano con orígenes extremeños, que disertará de cómo un hijo de emigrantes ha podido llegar al “bertsolarismo”.
“Hitzen Ahairea” kantagintzari buruzko ikastaroa
“Hitzen Ahairea” kantagintzari buruzko ikastaroa eskainiko dute Gotzon Barandiaran eta Rafa Ruedak, Bergaran.
Jardun euskara elkarteak eta Bergarako Udalak elkarlanean “Hitzen Ahairea” ikastaroa antolatu dugu. Idazleen eta musikarien arteko elkarreraginetik sortutako kantagintzari buruzko ikastaroa da.
Ikastaroa urriaren 24an, azaroaren 7an eta 28an burutuko da Zabalotegi aretoan, arratsaldeko 18:30etatik 20:30etara bitartean.
Ikastaroaren prezioa 8 € Jarduneko bazkideentzat eta 10 € gainontzekoentzat izango da.
Izena ematea Jardun euskara elkartean egingo da.
• Zelan kantatu dute gure idazle eta musikariek Euskal Herria?
• Zein eragin (izan) dute idazle eta musikarien artean sortutako kantek euskaldunon imaginarioan?
• Zein alde dago Historia liburuetan erakusten digutenaren eta idazle eta musikarien artean sortutako kantek kontatzen dutenaren artean?
• Zein zen kantaren funtzio soziala XX. mendean? Eta gaur egun?
Galdera horiei guztiei saioan parte hartuko dugunon artean erantzuten ahaleginduko gara. Horretarako, zenbait kantari eta musika taldek kantetarako erabili dituzten testuak eta kantari eta poeten arteko harremanak aztertuko ditugu, baita zuzenean kantatuko ere.
Zatoz gure kultura hobeto ezagutu eta disfrutatzera!!
Kultura kalera jolaslekua
Joan den ostiralean San Martin plazan elkartu ginen, Kultura Kalera programaren barruan, haur eta gurasoekin jolasteko. Eta primeran pasatu genuen!
Kultura Kalera
Herriko kultura elkarte ezberdinak ezagutarazteko egiten den ekimena da Kultura Kalera. Aurten ere, Jardun Euskara Elkarteak, tartetxo bat izango du ekimen honetan. Domekan, Irailak 29an, goizeko 12:30etatik 14:00etara bitartean, gure urte osoko ekintzen berri izateko aukera ezin hobea edukiko duzue San Martin plazan jarriko dugun informazio puntuan.
Animatu zaitezte!
Gurasolagun
Jardun Euskara Elkartearen aurtengo eskaintza
Azken asteotan aurtengo Jarduneko eskaintza gutxika aurreratzen joan gara. Oraingoan, Ikastetxeetan eta bergarako zenbait puntutan (Udaletxean, Liburutegian…) eskuragarri izango duzuen eskuorria aurkezten dizuegu, eskaintza osoarekin.
Belastegi#30 Euskarazko hedabideak kontsumitzea lagungarria da euskaldunberrientzat
Gaurkoan, Monika Belastegi dugu Kataianeko hitzaren jabe, Udal Euskaltegiko Patxi, Marian eta Arantzazuk luzatutako kezka/galderei erantzuteko prest!
Udal euskaltegiko ikasleek egindako hausnarketari jarraipena emanez, hona hemen Monika Belastegi Goiena komunikazio taldeko kidearen iritzi artikulua.
Patxik, Marianek eta Arantzazuk ez bezala, etxean jaso dut nik euskara, ama hizkuntza dut. Patxik, Marianek eta Arantzazuk ez bezala, ikasketak euskaraz egin ahal izan ditut, eta halaxe egin ditut. Zentzu horretan euren aldean nire bidea erraza izan da.
Lanean, Goiena Komunikazio Taldean, euskara da erabiltzen dugun hizkuntza eta Ibilbide profesionalean euskara ikasle eta euskaldunberri askorekin egotea tokatu zait. Eta egoera horietan beti pentsatu izan dut itzelezko meritua zuela nirekin une horretan euskaraz ari zen pertsona horrek. Izan ere, esateko zutena euskaraz esan ahal izateko, euskaraz komunikatu ahal izateko, esfortzu handia egiten ikusi ditut. Egia da beti ez dela izan erraza elkar erabat ulertzea, baina zer gutxiago une horietan enpatiaz eta pazientziaz jokatzea baino? Seguru hurrengoan hitzak errazago eta naturalago aterako direla.
Kazetariontzat hizkuntza ondo menperatzea ezinbestekoa da irakurle eta ikus-entzuleek gure mezua ondo uler dezaten. Bada, hori horrela izan dadin, eta badakigulako gure irakurle eta ikus-entzuleen artean euskara maila desberdinak daudela, hizkuntza ahalik eta errazen eta zuzenen erabiltzen saiatzen gara. Hala, aukera paregabea iruditzen zait euskara ikasten ari direnentzat Goienak eskaintzen dituen aukerak baliatzea – gure aldizkariak eta webgunea irakurtzea eta telebista ikustea–. Debagoieneko gertakariekin informatuta egoteaz batera, euskara ikasgeletatik kanpo, modu arin eta entretenigarrian jasotzeko beste bide bat da.
Are gehiago, zuek ere baduzue lekua gurean: bertara etorrira, gutun bidez, webgunean komentarioak idatzita… Pozik jasoko ditugu zuen iradokizunak. Beldurrak eta lotsak alde batera laga eta euskara gutxiago edo gehiago jakin, dakizuena dakizuela, erabili. Eta Goienako kazetariren batekin kalean topo eginez gero, lasai asko egin euskaraz!
Katearekin jarraitzeko, Damian Madinabeitiari (Game Erauntsia taldeko kideari) luzatzen diot ondorengo galdera: bideo jokoak horren modan dauden sasoi honetan, ze hizkuntzatan jokatzen dute gazteek? Ba al dago euskal komunitaterik?
Kultura kalera jolaslekua
Jardun Euskara Elkarteak datorren irailaren 27an, ostirala, arratsaldeko 17:00etatik aurrera, Udalak antolatutako Kultura Kalera ekimenaren barnean, Jolas Leku ibiltaria antolatu du.
Bertan, munduko jolasak, mandalak margotzea eta kantu jolasak egingo ditu bertaratzen diren haur eta guraso guztientzako.
Lan eskaintza
Jarduneko eskolaz kanpoko euskara errefortzuak emateko irakaslea behar da.
Interesatuak aurkeztu curriculuma Jardunen edo bidali gaztejardun@topagunea.com helbidera.
Curriculumak aurkezteko azken eguna irailak 26a izango da.
Informazio gehiagorako jarri Jardunekin harremanetan
Berriketan
