Urtero bezala, aurten ere Jardun Euskara Elkartea Bergarako udalarekin elkarlanean, Lehen hezkuntzako haurrentzat zuzendutako eskolaz kanpoko euskara errefortzuak emango dira astelehenetik ostiralera. Haurraren euskara mailaren arabera, ordutegi ezberdinak izango dira eta hauek urrian hasiko dira. Informazio gehiagorako, Jardun Euskara Elkarteko bulegoan, Errotalde Jauregian (Udal liburutegia) edo 943763661 telefonora deituz.
Hilabetea: iraila 2019
Haur eta gaztetxoen bertso eskola
Aurtengo ikasturtera begira, aurrekoetan bezala, haur eta gaztetxoei zuzendutako bertso eskola antolatu dugu. Urritik maiatzera bitartean, asteartetan, izango duzue bertsozale gaztetxoenek zita. Klaseak Udal liburutegiko ganbaran izango dira eta doaineko ikastaroa izango…
Xaboi ekologikoak egiteko tailerra
Datorren hilean, Urriak 10 ean, Xaboi ekologikoak egiteko tailerra antolatu du Jardun euskara elkarteak. Irizar jauregian izango da eta arratsaldeko 18:30etatik 20:30ak arteko iraupena izango du.
Tailerren prezioa 5€koa izango da Jarduneko bazkideentzat eta berbalagunentzat, gainontzekoek berriz, 7€ ordainduko dute. Tailerra amaitzean bakoitzak xaboi bana etxera eramateko aukera izango du.
Egunean Behin eta “Ariz-Ondo”
CodeSyntax-ek sortutako aplikazioa dugu Egunean Behin. Android eta Iphone erabiltzaileentzat sorturiko tribial estiloko joko bat da. Euskal erreferentziadun iturri ezberdinetatik sortutako 50.000 galdera prestatu dituzte eta egunean 10 galdera argitaratuko dira kirola, geografia,…
Antzerki eskolak
Aurtengo kurtsorako antzerki eskoletarako izen emateak ireki berri ditugu. Oraingoan ere haur, gazte eta helduentzat bideratutako eskolak izango dira. Antzerki tailerrak pertsonen garapen pertsonalerako eta hezkuntzarako tresna oso garrantzitsu zein aproposak izan…
Potx magoa
Atzo, Potx magoak, magia ikuskizun ederra eskeini zien haur eta gurasoei. Eguraldiak lagundu ez zuenez, Oxirondoko gune librea magiaz bete zuen. Gaztetxoak gustura hurbildu ziren eta horren adierazgarri da hurrengo argazkia:
Bergarako Ludotekak
Ostiralean, irailak 6, zabalduko dira Jardun ek kudeatzen dituen Azokako, Angiozarreko eta Osintxuko udal ludotekak.
Potx magoa
Datorren ostegunean, arratsaldeko 18:00etan, Potx magoaren emanaldia izango dugu Oxirondo plazan. Eguraldiak laguntzen ez badu Oxirondoko gune librean izango da. Animatu zaitezte!!
Iraileko euskararen bozgorailua
Iraileko euskararen bozgorailua: “Euskaraz egitea NORMALTASUNAREN kontra egitea da” Joseba Sarrionandia
Oporretatik bueltan
Astelehen on danoi! Azken hilabete honetako oporraldixan ostian bueltan gare berriz. Kurtsua hasteko indarberritxuta etorri ga! Laister hasiko ga honen berri emoten!